Гайдэльберг

Га́йдэльберг, таксама Ге́йдэльберг[3] (ням.: Heidelberg; ˈhaɪdəlbɛʁk) — горад у Германіі на паўночным захадзе зямлі Бадэн-Вюртэмберг. Горад вядомы сваім старажытным універсітэтам, заснаваным у 1386 годзе. Падчас Другой сусветнай вайны Гайдэльберг не бамбавалі, таму ён з’яўляецца адным з нешматлікіх гарадоў ФРГ з арыгінальнай гістарычнай архітэктурай.

Паблізу Гайдэльберга выяўленыя найдаўнейшыя ў Еўропе косткавыя рэшткі чалавека — Гайдэльбергскі чалавек.

Таксама ў XIX стагоддзі Гайдэльберг з’яўляўся культурным цэнтрам гейдэльбергскай школы — літаратурнай плыні нямецкага рамантызму.

Палітыка

Гарадскі савет пад старшынствам обер-бургамістра складаецца з 40 членаў, якія працуюць на грамадскіх пачатках. Савет абіраецца тэрмінам на 5 гадоў.

Гарады-пабрацімы Гайдэльберга:

•  Францыя, Манпелье, з 1961.
•  Вялікабрытанія, Кембрыдж, з 1965.
•  Ізраіль, Рэхавот, з 1983.
•  Украіна, Сімферопаль, Украіна, з 1991.
•  Германія, Баўцэн, Саксонія, з 1991.
•  Японія, Кумамота, з 1992.

Эканоміка

Гайдэльберг — горад з развітай эканомікай і інфраструктурай, з узроўнем беспрацоўя значна ніжэй чым у сярэднім па краіне (4 %, 2003). 21 % працаздольнага насельніцтва занята ў вытворчай сферы, 18 % у сферы гандлю, турызму і транспарта, 61 % у сферы іншых паслуг.

У Гейдэльберзе знаходзіцца некалькі буйных прадпрыемстваў: Heidelberger Druckmaschinen, HeidelbergCement і іншыя.

Найбуйнейшым працадаўцам рэгіёна з’яўляецца Гайдэльбергскі ўніверсітэт.

Літаратура

• Гайдэльберг // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 4: Варанецкі — Гальфстрым. — 480 с. — 10 000 экз. — ISBN 985-11-0090-0 (т. 4), ISBN 985-11-0035-8.

Спасылкі

	Гайдэльберг на Вікісховішчы

• Афіцыйная старонка горадf (ням.)
• Экскурсія на рускай мове па гейдэльбергскім замку

Зноскі

1. ↑ Deutsche Nationalbibliothek, Staatsbibliothek zu Berlin, Bayerische Staatsbibliothek et al. Record #4023996-2 // Агульны нарматыўны кантроль — 2012—2016. Праверана 1 чэрвеня 2021.
2. ↑ https://www.statistikportal.de/de/produkte/gemeindeverzeichnis — Federal Statistical Office. Праверана 31 снежня 2021.
3. ↑ Магчымыя варыянты напісання Гайдэльберг і Гейдэльберг у адпаведнасці з БЭ ў 18 тамах., Т.4. Мн., 1997, С.438