Герчыкі

Герчыкі (руск.: Герчики) — вёска ў Смаленскай вобласці Расіі, у Смаленскім раёне.

Геаграфія

Размешчана ў заходняй частцы вобласці за 25 км на поўдзень ад г. Смаленска, за 15 км на захад ад аўтадарогі Р120 Арол — Віцебск, на левым беразе ракі Упакой. Уваходзіць у склад Талашкінскага сельскага паселішча. Аўтобуснае паведамленне са Смаленскам. Насельніцтва — 28 жыхароў (2007).

Гісторыя

25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам з іншымі этнічна беларускімі тэрыторыямі ў склад РСФСР.

Эканоміка

З 1986-га года функцыянаваў летні аздараўленчы лагер смаленскага заводу халадзільнікаў ААТ «Айсберг».

Славутасці

• Помнік археалогіі: гарадзішча на паўночны ўсход ад вёскі на левым беразе ракі Упакой.
• Мемарыяльная дошка ў памяць пра Герчыкаўскую падпольную арганізацыю. Усталявана на сядзібным доме Карбутоўскіх у 1981 годзе.
• Помнік архітэктуры: Царква Троіцы, 1808 год.

Спасылкі

• Герчики на сайце культурнай спадчыны Смаленшчыны(нявызн.) (недаступная спасылка — гісторыя ).(недаступная спасылка)
• Фотагалерэя

Зноскі