Гожа

Го́жа[1] (Ожа, трансліт.: Hoža, руск.: Гожа) — аграгарадок у Гродзенскім раёне Гродзенскай вобласці. Адміністрацыйны цэнтр Гожскага сельсавета. У Гожы зліваюцца адразу дзве рэчкі — Лесніца ўпадае ў Гажанку, а апошняя ўпадае ў Нёман.

Знаходзіцца за 17 км на поўнач ад Гродна на аўтадарозе Р-42 Гродна—Друскенікі. У вёсцы знаходзіцца сярэдняя школа, клуб, бібліятэка, аддзяленне сувязі, гандлёвы цэнтр, лясніцтва. Помнік на брацкай магіле савецкім воінам, якія загінулі пры вызваленні вёскі ў 1944 годзе. З 2000-х гады ў наваколлі Гожы будуюцца прамысловыя прадпрыемствы.

Славутасці

• Касцёл Св. Пятра і Паўла (1862—1865)
• Плябанія
• Капліца-надмагілле (XIX ст.)
• Адміністрацыя гміны
• Дом рамізнікаў (?)
• Мемарыяльны знак на месцы старога касцёла (1990-я)
• Школа (1-я пал. XX ст.)
• Прыдарожны крыж-абярэг (кан. XIX—1-я пал. XX ст.)
• Селішча перыяду сярэднявечча (XI—XIV стагоддзі), на правым беразе р. Гажанка, пры ўпадзенні яе ў р. Нёман —  Гісторыка-культурная каштоўнасць Беларусі, шыфр 413В000161шыфр 413В000161
• Стаянка перыяду каменнага веку (10 — 7-е тысячагоддзі да н.э.), за 500 м на поўдзень ад вёскі —  Гісторыка-культурная каштоўнасць Беларусі, шыфр 413В000161шыфр 413В000161

Вядомыя асобы

• Станіслаў Сільвестровіч — удзельнік паўстання 1863—1864 гадоў

Зноскі

1. ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).

Спасылкі

• На Вікісховішчы ёсць медыяфайлы па тэме Гожа
• Гожа на сайце radzima.org
• Гожа на сайце Глобус Беларусі (руск.)