Гудзевічы

Гу́дзевічы[1] (трансліт.: Hudzievičy, руск.: Гудевичи) — аграгарадок у Мастоўскім раёне Гродзенскай вобласці. Адміністрацыйны цэнтр Гудзевіцкага сельсавета.

Гісторыя

У 1863 годзе тут было адкрыта народнае вучылішча.

У 1886 году Гудзевічы сталі цэнтрам воласці Гродзенскага павета. Дзейнічаў вінакурны завод, ветраны млын, піцейны дом, народнае вучылішча (96 хлопчыкаў і 10 дзяўчынак), праваслаўная царква.

Насельніцтва

• 1886 год — 172 жыхары, 15 дамоў.
• 1971 год — 201 жыхары, 61 дом.
• 1997 год — 662 жыхары, 196 дамоў.
• 2001 год — 727 жыхароў, 231 дом.
• 2009 год — 732 жыхары
• 2017 год — больш чым 700 жыхароў, 266 дамоў

Інфраструктура

Лазня ЗАТ «Гудзевічы» на 2 аддзяленні, банкамат, комплексна-прыёмны пункт.

Ахова здароўя У Гудзевічах дзейнічае ўрачэбная амбулаторыя ўрача агульнай практыкі.

Адукацыя ДУА «Гудзевіцкая сярэдняя школа», ДУА «Гудзевіцкі дзіцячы сад», ДУА «Мастоўская дзіцячая школа мастацтваў».

Культура Установы культуры прадстаўлены філіялам «Гудзевіцкі цэнтр вольнага часу і культуры» ДУ «Мастоўскі раённы цэнтр культуры», Гудзевіцкай бібліятэкай — цэнтрам нацыянальных культур ДУК «Мастоўская раённая бібліятэка», ДУА «Мастоўская дзіцячая школа мастацтваў». Дзейнічае літаратурна-краязнаўчы музей (каля 14 тысяч экспанатаў).

Славутасці

• Свята-Раства-Багародзіцкая царква (1877 год, цагляная) — помнік архітэктуры рэтраспектыўна-рускага стылю.
• Гудзевіцкі дзяржаўны літаратурна-краязнаўчы музей (1965).
• Рэшткі сядзібы Міклашэвічаў (XIX стагоддзе) — захаваліся слупы брамы.

Вядомыя асобы

• Алесь Мікалаевіч Белакоз (1928—2016) — грамадскі дзеяч, музеязнаўца, настаўнік, краязнаўца.

Зноскі

1. ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 5: Гальцы — Дагон. — 576 с. — 10 000 экз. — ISBN 985-11-0090-0 (т. 5), ISBN 985-11-0035-8.

Спасылкі

• На Вікісховішчы ёсць медыяфайлы па тэме Гудзевічы
• Гудзевічы на сайце Глобус Беларусі (руск.)
• Аграгарадок Гудзевічы на сайце Radzima.org