Даманаўскі сельсавет

Дама́наўскі сельсавет — былая адміністрацыйна-тэрытарыяльная адзінка ў складзе Івацэвіцкага раёна Брэсцкай вобласці. Цэнтр — аграгарадок Даманава.

Колькасць двароў — 720, колькасць жыхароў — 1541.

Старшыня — Казленя Сяргей Грыгор’явіч[1], кіраўнік спраў — Мархель Жанна Вячаславаўна[1].

Гісторыя

Утвораны 12 кастрычніка 1940 года ў складзе Быценскага раёна Баранавіцкай вобласці БССР. З 8 студзеня 1954 года ў Брэсцкай вобласці. З 14 кастрычніка 1957 года ў складзе Івацэвіцкага раёна, з 25 снежня 1962 года — Бярозаўскага раёна, з 6 студзеня 1965 года — адноўленага Івацэвіцкага раёна. 9 жніўня 2022 года скасаваны, тэрыторыя далучана да Быценскага сельсавета[2].

Насельніцтва

Насельніцтва сельсавета паводле перапісу 2009 года — 2092 чалавекі[3], з іх 91,6 % — беларусы, 5,3 % — рускія[4].

Склад

На момант скасавання ў склад сельсавета ўваходзілі 4 населеныя пункты: аграгарадок Даманава, вёскі Вішнёўка, Дабрынева і Каханова.

Зноскі

1. 1 2 Сайт раённай адміністрацыі Архівавана 15 кастрычніка 2020.
2. ↑ Решение Брестского областного Совета депутатов от 9 августа 2022 г. № 356 Об изменениях в административно-территориальном устройстве Ивацевичского района Брестской области
3. ↑ Насельніцтва населеных пунктаў Брэсцкай вобласці Беларусі паводле перапісу 2009 года
4. ↑ Этнічны склад насельніцтва сельсаветаў Беларусі паводле перапісу 2009 года

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.