Доль

Доль (фр.: Dole) — горад на ўсходзе Францыі ў рэгіёне Бургундыя — Франш-Кантэ. Былая сталіца гістарычнай вобласці Франш-Кантэ. Родны горад Луі Пастэра. Размешчаны на рацэ Ду і канале Рэйн — Рона.

Гісторыя

Час заснавання горада невядомы. Археалагічныя раскопкі паказваюць на існаванне побач з цяперашнім горадам кельцкага паселішча, якое, верагодна, было перанесена на гэтае месца ў рымскую эпоху.

Найбольшага росквіту горад атрымлівае ў XV стагоддзі, калі ім валодаюць герцагі Бургундскай галіны дынастыі Валуа. Але пасля смерці апошняга з іх, Карла Смелага, у ходзе вайны за яго спадчыну найміты Людовіка XI разрабавалі і практычна знішчылі горад, разбурыўшы большасць будынкаў і знішчыўшы шмат яго жыхароў. У 1493 годзе горад у складзе графства вернуты спадчыннікам Карла Смелага Габсбургам і неўзабаве быў адноўлены ў гатычным стылі.

У 1670-х гадах пасля некалькіх аблог горад перайшоў у рукі Людовіка XIV. Мясцовы парламент і Бургундскі ўніверсітэт, заснаваны ў 1423 годзе, былі пераведзены ў Безансон. Доль з тых часоў стаў невялікім правінцыйным горадам.

Зноскі

1. ↑ база дадзеных аб французскіх камунах — Institut national de l’information géographique et forestière. Праверана 26 кастрычніка 2015.
2. ↑ Sandre
3. ↑ Populations légales 2018 — Нацыянальны інстытут статыстыкі і эканамічных даследаванняў Францыі, 2020.
4. ↑ Base officielle des codes postaux — La Poste, 2018.

Спасылкі

• На Вікісховішчы ёсць медыяфайлы па тэме Доль