Дусятас

Дусятас (літ.: Dusetos, традыцыйная беларуская назва — Дусяты) — горад у Зарасайскім раёне Уцянскага павета Літвы, з’яўляецца адміністрацыйным цэнтрам Дусятаскай сянюніі. Адзін з самых маленькіх гарадоў Літвы. Насельніцтва 794 чалавека (2010 год)[2].

Геаграфія

Размешчаны ў 30 км ад горада Зарасай і ў 134 км ад Вільнюса на беразе возера Сартай[3].

Гісторыя

Упершыню згадваецца ў 1520 годзе. Пасля падзелаў Рэчы Паспалітай у XVIII стагоддзі адышоў да Расійскай імперыі. Падчас Першай сусветнай вайны быў акупаваны нямецкай арміяй. Да 1917 года насіў назву Дусяты[3].

З 1918 года па 1940 год уваходзіў у склад Літвы. З 1940 года па 1991 года ў складзе Літоўскай ССР, СССР. Правы горада атрымаў у 1950 годзе[3]. З 1950 па 1959 год быў цэнтрам Дусятаскага раёна.

З 1991 года ў складзе Літвы. З 1995 года з’яўляецца цэнтрам аднайменнай сянюніі. У 1999 годзе атрымаў герб.

Насельніцтва

Эканоміка

У горадзе знаходзіцца конны завод[3].

Славутасці

• Касцёл Найсвяцейшай Тройцы (Švč. Trejybės bažnyčia; 1888)
• Парк скульптур, адкрыты ў 2008 годзе[2]

Зноскі

1. ↑ Resident population by city / town at the beginning of the year — Statistics Lithuania, 2019. Праверана 19 чэрвеня 2022.
2. 1 2 Дусятас на сайце Зарасайскага раёна Архівавана 1 лютага 2016. (літ.)
3. 1 2 3 4 БЭС

Спасылкі

• На Вікісховішчы ёсць медыяфайлы па тэме Дусятас
• Віртуальны тур па Дусятас (англ.)