Канцяміраўка

Канцямі́раўка (руск.: Кантемировка) — пасёлак гарадскога тыпу (з 1973 года) ў Расіі, адміністрацыйны цэнтр Канцяміраўскага раёна Варонежскай вобласці. Насельніцтва складае 11 060 чалавек (2017). Размяшчаецца за 279 км на поўдзень ад Варонежа. Маецца чыгуначная станцыя на лініі Росаш — Мілерава. Найбліжэйшыя да пасёлка гарады — Росаш і Багучар.

Населены пункт быў заснаваны ў XVIII стагоддзі першапачаткова як слабада, якая атрымала назву паводле прозвішча яе ўладальніка Дзмітрыя Кантэміра. У ХІХ стагоддзі сяло Канцяміраўка было ў складзе Канстанцінаўскай воласці Багучарскага павета Варонежскай губерні[2]. У 1871 годзе праз паселішча была пабудавана чыгуначная лінія.

За савецкім часам у Канцяміраўцы працавалі малаказавод, цагляны, каўбасны, лікёра-гарэлачны і кансервавы заводы.

Вядомыя асобы

• Аляксандр Мікалаевіч Яфімаў (1923—2012) — удзельнік Вялікай Айчыннай вайны, двойчы Герой Савецкага Саюза.
• Яўген Паўлавіч Плужнік (1898—1936) — украінскі паэт, драматург, перакладчык.

Зноскі

1. ↑ 26. Численность постоянного населения Российской Федерации по муниципальным образованиям на 1 января 2018 года — Federal State Statistics Service. Праверана 23 студзеня 2019.
2. ↑ Историческая информация о селе Константиновка

Спасылкі

• На Вікісховішчы ёсць медыяфайлы па тэме Канцяміраўка
• Пасёлак у базе даных Расіі