Комарна

Комарна (славацк.: Komárno, ням.: Komorn, венг.: Komárom) — горад на тэрыторыі Жытняга вострава ў паўднёва-заходняй Славакіі на Дунаі. Насельніцтва каля 37 тыс. чалавек, большасць якіх — венгры (60,1 %) і славакі (34,5 %).

Гісторыя

У I стагоддзі на месцы Комарна ўзнікла рымскае паселішча Брыгеціа. У IV стагоддзі рымляне былі выцеснены варварамі. У VI стагоддзі сюды пранікаюць авары і славяне, у VIII стагоддзі тэрыторыя верагодна становіцца часткай Вялікай Маравіі. У IX стагоддзі тут з’яўляюцца венгры і ўжо ў X стагоддзі тут з’яўляецца першая венгерская крэпасць Камарум, сталіца аднайменнага камітата. Першае згадванне пра яе сустракаецца ў 1075 годзе.

У 1265 годзе Бела IV дае Комарна гарадскія правы. У XVI стагоддзі падчас войн з Асманскай імперыяй у Комарна будуецца магутная крэпасць — Старая Крэпасць. У XVII стагоддзі будуецца Новая Крэпасць. Комарна ніколі не быў узяты туркамі. Пасля спынення войн з XVIII стагоддзя Комарна становіцца адным з самых квітнеючых гарадоў Аўстрыі. У 1745 годзе Марыя Тэрэзія дае Комарна права вольнага каралеўскага горада. У 1870 тут дабудоўваецца сучасная крэпасць, адна з найважнейшых у Аўстра-Венгрыі.

Пасля распаду Аўстра-Венгрыі горад падзяляецца на дзве часткі. Большая трапляе ў склад Чэхаславакіі, меншая, Комарам, у склад Венгрыі.

Славутасці

• Рэшткі старажытнарымскага ваеннага лагера Каламантыа
• Крэпасць Комарна
• Касцёл Св. Андрэя
• Касцёл Св. Разаліі
• Калегіум бенедыкцінаў
• Лютэранская кірха
• Кальвінісцкая царква
• Праваслаўная царква
• Сінагога
• Гістарычныя дамы і палацы

Гарады-пабрацімы

• Бланска (чэшск.: Blansko), Чэхія
• Вайсенфельс (ням.: Weißenfels), Германія
• Комарам (венг.: Komárom), Венгрыя
• Кралупі-над-Влатвау (чэшск.: Kralupi nad Vlatvou), Чэхія
• Ліета (фінск.: Lieto, шведск.: Lundo), Фінляндыя
• Ніжні Ноўгарад, Расія
• Себеш (рум.: Sebeş, венг.: Szászebes), Румынія
• Тэрэзін (чэшск.: Terezín, ням.: Theresienstadt), Чэхія

Вядомыя асобы

• Франц Легар
• Мор Іокаі
• Айван Райтман (1946—2022) — рэжысёр

Гл. таксама

• Камарнскі ўніверсітэт імя Янаша Селье

Спасылкі

• На Вікісховішчы ёсць медыяфайлы па тэме Комарна