Кузняцоўскі раён

Кузняцо́ўскі раён — адміністрацыйна-тэрытарыяльная адзінка ў складзе Віцебскай акругі БССР у 1924—1927 гадах. Цэнтр — горад Віцебск. Назва раёна — ад вёскі Кузняцова (сучасны Віцебскі раён).

29 кастрычніка 1924 года Лосвідскі раён перайменаваны ў Кузняцоўскі, цэнтр раёна перанесены ў горад Віцебск. Раён уключаў 10 сельсаветаў: Бараўлянскі, Віцебскі, Даўжанскі, Дражнаўскі, Заронаўскі, Лятчанскі (Вялікалятчанскі), Мікалаёўскі, Міхалёўскі, Старасельскі, Шніцінскі. 21 жніўня 1925 года Дражнаўскі сельсавет перайменаваны ў Курынскі, Шніцінскі — у Кабішчанскі. 26 сакавіка 1927 года раён скасаваны, сельсаветы перададзены Віцебскаму раёну.

Літаратура

• Административно-территориальное устройство БССР: справочник: в 2 т. / А.И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с.
• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.