Лангёй

Лангёй (фр.: Longueuil) — горад у Канадзе, размешчаны ў правінцыі Квебек, у адміністрацыйным рэгіёне Мантэжэры. Лангёй знаходзіцца на паўднёвым беразе ракі Святога Лаўрэнція насупраць Манрэаля. Насельніцтва па стане на 2011 год склала 231 409 чалавек[1], што робіць яго другім паводле велічыні прадмесцем Манрэаля і пятым паводле колькасці насельніцтва горадам у правінцыі Квебек і дзевятнаццатым паводле велічыні ў Канадзе.

Гісторыя

Купец з форта Віль-Мары, Шарль Ле Мойн заснаваў Лангёй як сеньярыю ў 1657 годзе. Яго сын, Шарль Ле Мойн дэ Лангёй, пабудаваў форт Лангёй як сваю ўмацаваную рэзідэнцыі. Ён быў пабудаваны з камення паміж 1685 і 1690 гадамі і меў чатыры вежы[2]. У 1845 годзе сеньярыя стала прыходам, а ў 1848 годзе атрымала статус вёскі, у 1874 годзе Лангёй стаў мястэчкам, а ў 1920 годзе атрымаў статус горада. Паміж 1961 і 2002 гадамі межы горада павялічыліся ў тры разы, бо ён быў аб’яднаны з суседнімі муніцыпалітэтамі.

Насельніцтва

Па ацэнцы на 2010 г. — 232 516 чал. Лангёй — пяты па велічыні горад Квебека; займае плошчу 116 км². Шчыльнасць насельніцтва адносна невялікая — 1.988,6 чал./км². У апошні час стымул да развіцця яму дало ўзвядзенне кандамініумаў Блё-Рываж і будаўніцтва новага кампуса Шэрбрукскага ўніверсітэта.

Мовы

З 1977 года адзіная афіцыйная мова горада - французская. 85% жыхароў франкафоны (родная мова французская), 8 % англафоны (неа-квебекцы), і 6 % англафоны і англа-квебекцы (родная англійская мова). Большасць англафонаў пражывае ў акрузе Грынфільд Парк, дзе яны складаюць парадку 35% насельніцтва. Звыш 80 % насельніцтва вызнаюць каталіцтва (часта толькі намінальна).

Транспарт

Горад звязаны з Манрэалем лініяй метрапалітэна, мостам і некалькімі аўтобуснымі марштрутамі.

Зноскі

1. 1 2 2011 Statistics Canada Census Profile: Longueuil, Quebec.
2. ↑ Fort Longueuil. Canadian Register of Historic Places.

Спасылкі

• Афіцыйны сайт Архівавана 12 жніўня 2013.