Лудчыцкі сельсавет

Лу́дчыцкі сельсавет — адміністрацыйна-тэрытарыяльная адзінка ў складзе Быхаўскага раёна Магілёўскай вобласці. Цэнтр — аграгарадок Лудчыцы.

Гісторыя

Утвораны 20 жніўня 1924 года ў складзе Быхаўскага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Быхаўскім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Тайманаўскага сельсавета[1]. 11 красавіка 1960 года сельсавет скасаваны, яго населеныя пункты перададзены ў склад Навабыхаўскага сельсавета (7 населеных пунктаў: Калініна, Камарычы, Леніна, Магучы Партызан, Падольцава, Тайманава і Янава) і ў адміністрацыйнае падпарадкаванне Быхаўскага гарсавета (17 населеных пунктаў: Асоўшчына, Дубавое, Дубоўка, Залеская Слабада, Заячэнне, Калініна, Камсамольскі, Красны Пахар, Лудчыцы 1-я, Лудчыцы 2-я, Няраж, Падлука, Савічаў Рог, Свірыдоўка, Станок, Стараселле і чыгуначная будка 214)[2].

15 студзеня 1965 года сельсавет утвораны зноў у складзе 16 населеных пунктаў (Асоўшчына, Дубавое, Дубоўка, Залеская Слабада, Заячэнне, Калініна, Камсамольскі, Красны Пахар, Лудчыцы I, Лудчыцы II, Няраж, Падлука, Савічаў Рог, Свірыдоўка, Станок, Стараселле), якія знаходзіліся ў адміністрацыйным падпарадкаванні Быхаўскага гарсавета, з цэнтрам у вёсцы Лудчыцы-II [3].

Насельніцтва

Насельніцтва сельсавета паводле перапісу 2009 года — 1406 чалавек[4], з іх 94,0 % — беларусы, 4,5 % — рускія, 0,6 % — украінцы[5].

Зноскі

1. ↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. ↑ Рашэнне выканкома Магілёўскага абласнога Савета дэпутатаў працоўных ад 11 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
3. ↑ Рашэнне выканкома Магілёўскага абласнога Савета дэпутатаў працоўных ад 15 студзеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 10 (1090).
4. ↑ Насельніцтва населеных пунктаў Магілёўскай вобласці Беларусі паводле перапісу 2009 года
5. ↑ Этнічны склад насельніцтва сельсаветаў Беларусі паводле перапісу 2009 года

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012.

Спасылкі

• Лудчыцкі сельсавет у картатэцы Фондавага каталога дзяржаўных архіваў Рэспублікі Беларусь