wd wp Пошук:
    ⬜

    Ліверпул

    Ліверпул[1] (англ.: Liverpool) — горад у Вялікабрытаніі, у канурбацыі Мерсісайд, порт на паўночна заходнім узбярэжжы Англіі. Насельніцтва 441 477 чалавек (2002). У горадзе базуюцца дзве вядомыя футбольныя каманды, выступоўцы ў англійскай Прэм’ер-лізе — «Ліверпул» і «Эвертан». У Ліверпулі адбыўся спуск двух знакамітых лайнераў — «Тытаніка» і «Брытаніка».

    Геаграфія

    Горад размешчаны да поўначы ад вусця ракі Мерсі.

    Гісторыя

    На месцы цяперашняга горада ў 1190 г. існавала паселішча пад назвай Ліверпул (Liuerpul), што азначала «каламутны вадаём». Некаторыя даследчыкі ў якасці варыянту этымалогіі прыводзяць слова ‘elverpool’ — вадаём з вуграмі.

    У сярэдзіне XVI стагоддзя насельніцтва Ліверпуля складала прыблізна 500 чалавек. У 1571 г. жыхары мястэчка паслалі каралеве Лізавеце слёзную петыцыю аб дачы ім субсідый. У 1644 г. у час грамадзянскай вайны Ліверпуль быў у васямнаццацідзённай аблозе.

    У XVIII стагоддзі дзякуючы развіццю амерыканскіх калоній Вялікабрытаніі значэнне Ліверпуля як порта на заходнім узбярэжжы стала расці. У 1715 г. тут быў збудаваны першы ў Англіі партовы док. На пачатак XIX стагоддзя праз Ліверпул праходзіла каля 40 % сусветнага гандлёвага трафіку. Статут горада Ліверпуль атрымаў у 1880 г. У наступным ён працягваў дынамічна развівацца.

    Карта 1880 г.

    4 лютага 1893 у горадзе быў адкрыты надземны метрапалітэн (працаваў да 1956).

    У 1960-х Ліверпул становіцца адным з найпапулярнейшых цэнтраў моладзевай культуры. Самым знакамітым культурным феноменам, якія нарадзіліся тут, стаў гурт Beatles.

    Славутасці

    Музеі

    Гарады пабрацімы

    Вядомыя асобы

    Зноскі

    1. ↑ Паводле БЭ ў 18 тамах. Т.9, Мн., 1999

    Спасылкі

    Тэмы гэтай старонкі:
    Катэгорыя·Населеныя пункты паводле алфавіта
    Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.
    Энцыклапедычны партал «Месцы беларускія» miescy.viedy.be