Лішкява

Лішкява (літ.: Liškiava), традыцыйная беларуская назва — Лішкаў[1][2], або Лішкава  — вёска ў Літве, на левым беразе ракі Нёман. Уваходзіць у склад Мерацкай сянюніі Варэнскага раёна Алітускага павета. Насельніцтва 65 чал. (2001). Знаходзіцца за 9 км ад Друскінінкая.

Гісторыя

У канцы XIV стагоддзя вялікі князь Вітаўт распачаў тут будову мураванага замка. Аднак пасля Грунвальдскай бітвы (1410) Лішкаў страціў сваё абарончае значэнне і замак застаўся недабудаваным. Гістарычна мясцовасць уваходзіла ў склад Гарадзенскага павета[1] Троцкага ваяводства.

Першая царква ў Лішкаве з канца XVI стагоддзя да 1624 года была пратэстанцкай. У 1694 годзе войскі Уладзіслаў Юрый Касілаў з жонкай Крысцінай (з Гібеляў) заснавалі ў вёсцы кляштар дамініканцаў. У 1704—1741 гадах пры кляштары збудавалі мураваны касцёл Найсв. Тройцы[1].

У выніку трэцяга падзелу Рэчы Паспалітай (1795) Лішкаў апынуўся ў складзе Расійскай імперыі, у Сейненскім павеце. У 1796 расійскія ўлады скасавалі дамініканскі кляштар, касцёл працягваў дзейнічаць як парафіяльны.

Згодна з Рыжскім мірным дагаворам (1921) Лішкаў апынуўся ў складзе Літвы.

Насельніцтва

• XIX стагоддзе: 1827 — 354 чал.; 1897 — 613 чал.
• XX стагоддзе: 1923 — 407 чал.; 1959 — 318 чал.; 1970 — 203 чал.; 1979 — 135 чал.; 1980 — 140 чал.; 1986 — 114 чал.; 1989 — 105 чал.
• XXI стагоддзе: 2001 — 65 чал.

Турыстычная інфармацыя

Славутасці

• Замчышча
• Касцёл Найсв. Тройцы і кляштар дамініканцаў (1704—1741)
• Могілкі хрысціянскія

Галерэя

• Даўнія выявы Лішкава
• Акварэль Н. Орды, XIX ст.
• Літаграфія з акварэлі
• Б. Пуц паводле В. Германа, 1868
• Каляровая версія

Зноскі

1. 1 2 3 ЭнцВКЛ, 2005
2. ↑ Смоліч А. Географія Беларусі. — Вільня: Друкарня «Віленскага Выдавецтва» Б. А. Клецкіна, 1922. — 307 с.

Літаратура

• Лішкаўскі кляштар дамініканцаў // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 214. — 792 с. — ISBN 985-11-0378-0 (т. 2), ISBN 985-11-0315-2.
• Liszków // Słownik geograficzny Królestwa Polskiego i innych krajów słowiańskich. Tom V: Kutowa Wola — Malczyce. — Warszawa, 1884. S. 324.

Спасылкі

• На Вікісховішчы ёсць медыяфайлы па тэме Лішкява
• Liškiavos kultūros centras