Манама

Манама (араб. المنامة‎‎, Al-Manāmah) — самы вялікі горад у Бахрэйне, сталіца краіны. 162 000 жыхароў (2001), што складае чацвёртую частку агульнай колькасці насельніцтва Бахрэйну.

Манама ўзгадваецца ў ісламскіх хроніках з 1345 года. Была заваявана ў 1521 годзе партугальцамі, пасля пкрсамі ў 1602 годзе. З 1783 года была пад уладай дынастыі Аль Каліфаў. У 1958 годзе Манама была абвешчаная вольным портам, а ў 1971 годзе стала сталіцай незалежнага Бахрэйну.

Эканамічная база Манамы ідэнтычная базе ўсяго Бахрэйну — здабыча і перапрацоўка нафты, будаўніцтва караблёў, рыбалоўства. Манаму абслугоўвае міжнародны аэрапорт на востраве Аль-Мухарак, з горадам яго злучае шаша, якая пракладзеная па дамбе. У Манаме знаходзіцца і ўніверсітэт Бахрэйну, які распачаў сваю дзейнасць у 1986 годзе.

Раней Манама існавала як адзін з раёнаў Бахрэйну, а з 3 ліпеня 2002 года ўвайшла ў склад адной з пяці губерняў (Сталічная губерня).

Клімат пераходны ад трапічнага да субтрапічнага; сярэдняя тэмпература студзеня 16 °C, жніўня 31 °C, ападкаў выпадае каля 90 мм у год.

Клімат

Клімат пераходны ад трапічнага да субтрапічнага; сярэдняя тэмпература студзеня 16 °C, жніўня 31 °C, ападкаў каля 90 мм у год.

Клімат Манамы
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	27,8	33,8	38,1	41,3	46,2	47,3	47,5	45,6	45,0	42,8	37,2	30,6	47,5
Сярэдні максімум, °C	20,1	21,5	24,9	30,0	35,3	37,8	39,0	38,9	37,0	33,6	28,0	22,7	30,7
Сярэдні мінімум, °C	14,5	15,5	17,6	21,0	25,2	27,1	28,5	28,9	27,1	24,4	20,7	16,8	22,3
Абсалютны мінімум, °C	5,0	8,2	10,0	13,4	15,9	19,8	25,7	24,2	23,3	19,5	12,1	8,2	5,0
Норма ападкаў, мм	14,6	16,0	13,9	10,0	1,1	0,0	0,0	0,0	0,0	0,5	3,8	10,9	70,8
Крыніца: «Надвор'е і Клімат»

Гарады-пабрацімы

Спасылкі

На Вікісховішчы ёсць медыяфайлы па тэме Манама

Тэмы гэтай старонкі:
Катэгорыя·Населеныя пункты без паштовага індэкса Катэгорыя·Населеныя пункты паводле алфавіта
Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.