Назарэт

Назарэт (іўр.: נָצְרַת‎) — горад у Ізраілі, які знаходзіцца ў паўночнай частцы краіны. Назарэт шануецца як горад, дзе вырас Ісус Хрыстос У горадзе шмат цэркваў, у тым ліку Храм Добраславення, які ўзвышаецца ў цэнтры горада і лічыцца самым вялікім храмам на Блізкім Усходзе. Храм стаіць у тым месцы, дзе, як лічаць хрысціяне, анёл Гаўрыіл паўстаў перад Марыяй і распавёў аб нараджэнні Хрыста. Невялікі час горад ляжаў на ажыўленай гандлёвай дарозе з Дамаска ў Егіпет.

Зараз Назарэт з’яўляецца па большай частцы мусульманскім горадам і лічыцца мусульманскай сталіцай Ізраіля. Арабскія грамадзяне Ізраіля складаюць каля 69% жыхароў горада, хрысціяне - каля 30%.

Геаграфія

Сучасны Назарэт размешчаны ў натуральнай чары, якая дасягае ад 320 м над узроўнем мора на грэбні пагоркаў каля 490 м. Назарэт размешчаны каля 25 кіламетраў ад Галілейскага мора і каля 9 кіламетраў на захад ад гары Фавор. Буйныя горады Іерусалім і Тэль-Авіў размешчаны прыкладна ў 146 км і 108 км ад Назарэта.

У Назарэце знаходзіцца грот Добраславення, над якім пабудаваны найбуйнейшы на Блізкім Усходзе каталіцкі Храм Добраславення, маляўнічая праваслаўная царква Арханёла Гаўрыіла і Святой крыніцы над крыніцай Панны Марыі, а таксама многія іншыя хрысціянскія цэрквы.

У навакольлях Назарэта размешчаны нацыянальны парк Сэпфорыс, старажытны яўрэйскі горад Цыпоры, бацькоўскі дом Панны Марыі, рэшткі крэпасці крыжакоў і іншыя археалагічныя славутасці, на захад ад горада, гара Фавор, дзе было Праабражэнне Ісуса Хрыста. На ўсход ад Назарэту месціцца вёска Кана, дзе Хрыстос стварыў Свой першы цуд, ператварыўшы ваду ў віно на вяселлі.

Насельніцтва

Гістарычны Назарэт населены ізраільскімі арабамі, прыкладна 31% з якіх складаюць арабы-хрысціяне розных веравызнанняў, і каля 69% — мусульмане па стане на 2010 год[1]. Такім чынам Назарэт з’яўляецца самым хрысціянскім горадам Ізраіля, а таксама адзіным горадам у краіне, дзе нядзеля з’яўляецца выходным днём. Цяперашні мэр горада з’яўляецца хрысціянінам. Вялікі мегаполіс Назарэта мае насельніцтва 210 000, у тым ліку 125.000 (59%) ізраільскіх арабаў і 85 тысяч яўрэяў (41%). Гэта адзіны гарадскі раён з больш чым 50 000 жыхароў у Ізраілі, дзе большасць насельніцтва складаюць арабы.

Гарады-пабрацімы

• Фларэнцыя, Італія
• Ларэта, Італія
• Наблус, Палесцінская аўтаномія
• Нойбрандэнбург, Германія
• Сен-Дэні, Францыя
• Гаага, Нідэрланды
• Чанстахова, Польшча

Зноскі

1. ↑ Дадзеныя ЦСБ Ізраіля Архівавана 21 снежня 2014.

Вонкавыя спасылкі

• На Вікісховішчы ёсць медыяфайлы па тэме Назарэт
• Афіцыйны сайт гораду Архівавана 12 снежня 2019.