Парэчча (Пінскі раён)

У паняцця ёсць і іншыя значэнні, гл. Парэчча.

Парэ́чча[1] (трансліт.: Parečča, руск.: Поречье) — вёска ў Пінскім раёне Брэсцкай вобласці. Уваходзіць у склад Парэцкага сельсавета. Размешчана за 13 км ад аўтадарогі Івацэвічы — Пінск — Столін і за 30 км ад горада Пінска на беразе ракі Ясельда. Паводле перапісу 1 студзеня 1998 года ў вёсцы налічалася 298 гаспадаркі, 690 жыхароў.

Гісторыя

• 1495 год — першае згадванне, пінская князёўна Марыя даруе два дворышчы Мацвею Грычыне. Маёнткі ў спадчыну атрымлівае сын Барыс і яго нашчадкі Войны-Грычыны;
• Пачатак XVII стагоддзя — уласнікамі з’яўляюцца Цярлецкія. Пазней Парэчча пераходзіць да Агінскіх, пазней — да Скірмунтаў;
• 1830-я гады — Аляксандр Ізідар Скірмунт засноўвае прамысловыя вытворчасці. Пазней маёнтак пераходзіць яго сыну Аляксандру Аляксандравічу, пасля — унуку Раману Аляксандравічу. Скірмунты быў пабудаваны сядзібны дом, які не захаваўся да нашых часоў, заснаваны парк;
• У розныя гады функцыянавалі цукровы завод (які лічыўся лепшым сярод бурачнацукровых заводаў Мінскай губерні), суконная фабрыка (1836—1916)[2], варсільная плантацыя і броварны завод;
• XIX стагоддзе — з’яўляецца цэнтрам воласці Пінскага павета;
• 1907 — Скірмунтамі збудаваны не захаваўся да нашых дзён касцёл Сэрца Ісуса і праваслаўны храм;
• 1920-я гады — з’яўляецца цэнтрам гміны;
• сакавік 1944 года — фашыстамі знішчана 20 двароў, забіта 20 жыхароў;
• З 1915 па 1960-я гады праз Парэчча праходзіла вузкакалейная чыгунка Івацэвічы—Камень-Кашырскі. Меўся разваротны трохвугольнік.

Славутасці

• Царква Раства Багародзіцы (1912) —  Гісторыка-культурная каштоўнасць Беларусі, шыфр 112Г000579шыфр 112Г000579;
• Брацкая магіла савецкіх воінаў і партызан;
• Воінскія могілкі часоў Першай сусветнай вайны, магілы польскіх і нямецкіх салдат;
• Абарончыя збудаванні Першай сусветнай вайны;
• Сядзіба Скірмунтаў:
  • Парк «Парэчча» (1910) —  Гісторыка-культурная каштоўнасць Беларусі, шыфр 112Г000575шыфр 112Г000575;
  • Цукровы завод;
• Магіла Рамана Скірмунта.

Іншае

• У Парэцкай СШ вучылася 9—10 класы Яўгенія Янішчыц (1948-1988), беларуская паэтэса і перакладчыца.

Вядомыя асобы

• Надзея Паўлаўна Нікіціна (нар. 1970) — беларускі палітык.

Зноскі

1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. ↑ Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 565. — 800 с. — 5 000 экз. — ISBN 985-11-0026-9.

Спасылкі

• На Вікісховішчы ёсць медыяфайлы па тэме Парэчча (Пінскі раён)
• Парэчча на «Гісторыя Пінска»(недаступная спасылка)
• Парэчча на «Глобус Беларусі»