Першамайск (Салігорскі раён)

У паняцця ёсць і іншыя значэнні, гл. Першамайск.

Першама́йск (да 1964 года Жываглодавічы)[1] (трансліт.: Pieršamajsk, руск.: Першемайск) — вёска ў Салігорскім раёне Мінскай вобласці. Уваходзіць у склад Чырвонаслабодскага сельсавета.

Знаходзіцца за 37 кіламетраў на паўночны захад ад горада і чыгуначнай станцыі Салігорск, 150 кіламетраў ад Мінска.

Гісторыя

30 ліпеня 1964 года вёска Жываглодавічы Любанскага раёна і пасёлкі Крыжы і Прагрэс, якія зліліся ў адзін населены пункт, былі перайменаваны ў вёску Першамайск[2].

Да 30 сакавіка 2006 года вёска ўваходзіла ў склад і з’яўлялася цэнтрам Першамайскага сельсавета[3].

Насельніцтва

• 579 жыхароў, 265 двароў (2000)

Інфраструктура

• Базавая школа
• Дом культуры і бібліятэка
• Аддзяленне сувязі

Помнікі архітэктуры

• Ветраны млын (2-я палова 19 стагоддзя)

Вядомыя асобы

• Анатоль Іванавіч Камяк (нар. 1932) — вучоны, фізік, доктар фізіка-матэматычных навук, Заслужаны дзеяч навукі Беларусі[4].
• Настасся Кузьмінічна Чадовіч (1912—1999) — работнік сельскай гаспадаркі (кіраўнік звяна па вырошчванні ільну), Герой Сацыялістычнай Працы (1966).

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 12: Палікрат — Праметэй. — 576 с. — 10 000 экз. — ISBN 985-11-0198-2 (т. 12), ISBN 985-11-0035-8.

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Жывагло́давічы
2. ↑ Указ Прэзідыума Вярхоўнага Савета БССР ад 30 ліпеня 1964 года «Аб перайменаванні некаторых населеных пунктаў Беларускай ССР»
3. ↑ Рашэнне Мінскага абласнога Савета дэпутатаў ад 30 сакавіка 2006 г. № 188 «Аб скасаванні Першамайскага сельсавета і змяненні межаў Чырвонаслабодскага пассавета Салігорскага раёна» (руск.)
4. ↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8. — С. 554.

Спасылкі

• На Вікісховішчы ёсць медыяфайлы па тэме Першамайск (Салігорскі раён)