Пярлая

Пярлая́[1] (літ.: Perloja, традыцыйная беларуская назва — Пералая) — вёска ў Варэнскім раёне Алітускага павета Літвы. Уваходзіць у склад Варэнскай сянюніі. Размешчана на рацэ Мяркіс, за 19 км на захад ад Варэны. Насельніцтва на 2001 год — 586 чалавек.

Гісторыя

Вялікае Княства Літоўскае

Першы пісьмовы ўспамін пра Пералаю датуецца 1478 годам. У 1413 годзе яна ўвайшла ў склад Троцкага павета Троцкага ваяводства.

У XV стагоддзі ў Пералаі быў пабудаваны касцёл. У 1710 годзе мястэчка пацярпела ад мору. У 1792 годзе кароль і вялікі князь Станіслаў Аўгуст Панятоўскі надаў Пералаі Магдэбургскае права.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Пералая апынулася ў складзе Расійскай імперыі, у Троцкім павеце Віленскай губерні.

Каля 1888 года ў Пералаі было 113 будынкаў.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Пералая апынулася ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: ~1888 год — 790 чал, з іх 738 каталікоў і 52 іўдзеі[2]
• XXI стагоддзе: 2001 год — 586 чал.

Славутасці

• Касцёл Найсвяцейшай Дзевы Марыі і Святога Францыска Асізскага (1928—1930, пабудаваны паводле праекта Вацлава Міхневіча)
• Помнік Вітаўту Вялікаму (1930)

Зноскі

1. ↑ Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»
2. ↑ Słownik geograficzny… T. IX. — Warszawa, 1888. S. 143.

Спасылкі

• На Вікісховішчы ёсць медыяфайлы па тэме Пярлая