Півашунай

Півашу́най[1] (літ.: Pivašiūnai, традыцыйная беларуская назва — Півашуны) — вёска ў Алітускім раёне Алітускага павета Літвы. Уваходзіць у склад Півашунайскай сянюніі. Размешчана на беразе возера Ільгіс[ru], за 19 км на захад ад Варэны. Насельніцтва на 2001 год — 292 чалавекі.

Гісторыя

Вялікае Княства Літоўскае

Першы пісьмовы ўспамін пра Півашуны датуецца 1608 годам. У гэты час яны ўваходзілі ў склад Троцкага павета Троцкага ваяводства.

У 1639 годзе Ян Клоцкі перадаў Півашуны Троцкаму кляштару бенедыкцінаў. У 1648 годзе тут быў пабудаваны касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Півашуны апынуліся ў складзе Расійскай імперыі, у Троцкім павеце Віленскай губерні.

На 1859 год у Півашунах было 10 будынкаў.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Півашуны апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: 1859 год — 87 чал.[2]
• XXI стагоддзе: 2001 год — 292 чал.

Славутасці

• Капліца (1853)
• Касцёл Унебаўзяцця Найсвяцейшай Дзевы Марыі (1825)

Зноскі

1. ↑ Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»
2. ↑ Krzywicki J. Piwoszuny // Słownik geograficzny… T. VIII. — Warszawa, 1887. S. 237.

Спасылкі

• На Вікісховішчы ёсць медыяфайлы па тэме Півашунай