Ружанка (Люблінскае ваяводства)

У гэтага паняцця ёсць і іншыя значэнні, гл. Ражанка (значэнні). Ружа́нка (польск.: Różanka, традыцыйная беларуская назва — Ража́нка) — вёска ў Польшчы, на рацэ Буг, за 8 км на поўнач ад Уладавы, каля беларуска-польскай граніцы. Уваходзіць у склад Уладаўскага павета Люблінскага ваяводства, частка вясковай гміны Уладава. Насельніцтва на 2011 год — 957 чалавек.

Гісторыя

Вялікае Княства Літоўскае

Першы пісьмовы ўспамін пра Ражанку як мястэчка датуецца 1524 годам. Згодна з адміністрацыйна-тэрытарыяльнай рэформай 1565—1566 гадоў яна ўвайшла ў Берасцейскі павет Берасцейскага ваяводства. Да 1700 года Ражанка страціла статус мястэчка.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Ражанка апынулася ў складзе Аўстрыі, з пачатку XIX стагоддзя — у складзе Расійскай імперыі, ва Уладаўскім павеце Сядлецкай губерні. На 1827 год у вёсцы было 104 будынкі.

У часы Першай сусветнай вайны ў 1915 годзе Ражанку занялі нямецкія войскі.

• Старая графіка палаца ў Ражанцы
• Палац
• З боку ракі
• Парк

Найноўшы час

Згодна з Рыжскім мірным дагаворам 1921 года Ружанка апынулася ў складзе міжваеннай Польскай Рэспублікі. З пачаткам Другой сусветнай вайны ў 1939 годзе вёску занялі войскі Трэцяга Рэйха.

У 1944 годзе Ражанку занялі савецкія войскі, пасля чаго яе зноў перадалі Польшчы.

• Мястэчка на старых здымках
• Палац, 1907 г.
• Палац, да 1914 г.
• Палац, да 1914 г.

• Палац, да 1914 г.

• Палац, да 1914 г.
• Палац, да 1914 г.
• З боку ракі, да 1914 г.
• Палац, да 1914 г.

Насельніцтва

• XIX стагоддзе: 1827 год — 651 чал.[1]
• XXI стагоддзе: 2011 год — 957 чал.

Славутасці

• Касцёл Святога Аўгусціна (1908—1913)
• Могілкі хрысціянскія
• Палацава-паркавы комплекс Пацеяў (XVIII ст.; руіны)

Страчаная спадчына

• Капліца могілкавая

Галерэя

• Краявіды Ражанкі
• Касцёл
• Сядзіба, афіцына
• Сядзіба, павільён
• Гаспадарчая пабудова

Вядомыя асобы

• Іпацій Пацей (1541—1613) — дзяржаўны і царкоўны дзеяч Вялікага Княства Літоўскага, багаслоў, пісьменнік-палеміст

Зноскі

1. ↑ Chlebowski B. Różanka // Słownik geograficzny… T. IX. — Warszawa, 1888. S. 854.

Спасылкі

• На Вікісховішчы ёсць медыяфайлы па тэме Ружанка (Люблінскае ваяводства)