Сарны

Сарны (укр.: Сарни) — горад у Ровенскай вобласці Украіны, на рацэ Случ. Адміністрацыйны цэнтр Сарнэнскага раёна. Насельніцтва 28,6 тыс. чал. (2009).

Знаходзяцца за 92 км на поўнач ад Роўна, за 85 км ад беларуска-ўкраінскай граніцы. Чыгуначны вузел (лініі на Роўна, Ковель, Корасцень, Лунінец).

Гісторыя

Упершыню вёска Сарны згадана ў 1570 годзе[1]. У выніку трэцяга падзелу Рэчы Паспалітай у 1795 годзе апынуліся ў складзе Расійскай імперыі. У 1885 годзе заснавана аднайменная станцыя Ковельскай чыгункі.

Згодна з Рыжскім мірным дагаворам у 1921 годзе ўвайшлі ў склад міжваеннай Польскай Рэспублікі, цэнтр павета Палескага ваяводства. З 16 снежня 1930 года ў Валынскім ваяводстве.

З 1939 года ў складзе Украінскай ССР.

Насельніцтва

• 1921 — 5931 чал.
• 1975 — 19,4 тыс. чал.[2]
• 1991 — 22,6 тыс. чал.[3]
• 2009 — 28,6 тыс. чал.

Эканоміка

Металаапрацоўчая прамысловасць; ільнаперапрацоўчы, масларобны заводы, мэблевая фабрыка.

Славутасці

• Касцёл Перамянення Панскага (1935—1939)
• Царква Покрыва Прасв. Багародзіцы (1725)
• Чыгуначная станцыя (1-я пал. XX ст.)

Дзейнічае Сарнэнскі гісторыка-этнаграфічны музей.

Вядомыя асобы

• Ала Адамаўна Літаш (нар. 1954) — беларускі архітэктар.

Зноскі

1. ↑ Історія міст і сіл УРСР. — К., 1973. — С. 584 Архівавана 28 мая 2010.
2. ↑ Сарны // Большая советская энциклопедия, 3-е изд.: в 30 т. / Гл. ред. А.М. Прохоров. — М.: Сов. энциклопедия, 1969—1978.
3. ↑ Сарны // Большой энциклопедический словарь / Гл. ред. В. П. Шишков. — М.: НИ «Большая Российская энциклопедия», 1998. — 640 с.: ил. ISBN 5-85270-262-5.

Літаратура

• Sarny (2) // Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew. — Warszawa, 1889. S. 325

Спасылкі

• На Вікісховішчы ёсць медыяфайлы па тэме Сарны
• Афіцыйны сайт горада Сарны (укр.)