Свіслацкі сельсавет (Пухавіцкі раён)

У гэтага паняцця ёсць і іншыя значэнні, гл. Свіслацкі сельсавет. Сві́слацкі сельсавет — адміністрацыйна-тэрытарыяльная адзінка ў складзе Пухавіцкага раёна Мінскай вобласці Беларусі. Цэнтр — пасёлак Дружны.

Геаграфія

Гідраграфія

На тэрыторыі сельсавета цячэ рака Свіслач і знаходзяцца вадасховішча Земснарад і возера Мацярынскае.

Гісторыя

Утвораны як пасялковы савет. 28 мая 2013 года пассавет рэарганізаваны ў сельсавет з цэнтрам у гарадскім пасёлку Свіслач[1]. 22 лістапада 2021 года цэнтр сельсавета перанесены ў пасёлак Дружны[2].

Насельніцтва

Насельніцтва пассавета паводле перапісу 2009 года (Свіслач і Дружны) складала 11904 чалавекі[3], з іх 77,2 % — беларусы, 15,4 % — рускія, 5,2 % — украінцы, 0,4 % — палякі[4].

Дынаміка

Пасёлак Дружны і Свіслач з 1998 года маюць станоўчы натуральны прырост насельніцтва. Перавышэнне нараджальнасці над смяротнасцю — ад 30 да 45 % у залежнасці ад года. Адметнай асаблівасцю насельніцтва п. Дружны з’яўляецца адукацыйны ўзровень — да 55 % насельніцтвы маюць вышэйшую адукацыю або з’яўляюцца студэнтамі ВНУ.

• 1999 — 11.9 тыс. чал.
• 1 студзеня 2002 — 12.0 тыс. чал.
• 2009 — 11.9 тыс. чал.
• 2016 — 11 959 чалавек.

Рэлігія

На 1 студзеня 2017 года ў сельсавеце налічваецца 4 рэлігійныя грамады, якія зарэгістраваны ў Мінскам абласным выканаўчым камітэце і пастаўлены на ўлік у Пухавіцкім райвыканкаме. З іх дзве праваслаўныя грамады і дзве грамады евангельскіх хрысціянаў баптыстаў.

• Царква ў гонар Раства Хрыстова
• Царква Святло Евангелля (Дружны) (заснавана ў 1994)
• Царква прападобнага Серафіма Сароўскага

• Царква Прыгажосць Хрыста (заснавана ў лютым 1994)

• Рэлігія
• Царква Святло Евангелля, будаўніцтва (2017-09-07)
• Царква ў гонар Раства Хрыстова

Эканоміка

Свіслацкі сельсавет — прамысловы цэнтр Пухавіцкага раёна, яго паступленні ў бюджэт складаюць каля 40 % ад усіх паступленняў Пухавіцкага раёна. Тымчасова, у сельсавеце пражывае толькі каля 17 % ад колькасці насельніцтва Пухавіцкага раёна.

Прадпрыемствы:

• ААТ «Завод горнага воску».
• РУП «Эксперыментальная база „Свіслач“».
• ЗАТ «Аўгуст-Бел».
• Філіял «Белэнэргабудіндустрыя».
• Мінская ЦЭЦ-5.
• ТАА «Строй мантаж» — будаўніцтва і грузаперавозкі.

Склад

Свіслацкі сельсавет уключае 2 населеных пункта:

• Дружны

• Свіслач

• Свіслацкі сельсавет
• 
• 
• 
• 

Зноскі

1. ↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области
2. ↑ Решение Пуховичского районного Совета депутатов от 22 ноября 2021 г. № 235 О переносе административного центра Свислочского сельсовета Пуховичского района Архівавана 11 снежня 2021.
3. ↑ Насельніцтва населеных пунктаў Мінскай вобласці Беларусі паводле перапісу 2009 года (руск.)
4. ↑ Этнічны склад насельніцтва сельсаветаў Беларусі паводле перапісу 2009 года (руск.)

Літаратура

• Памяць: Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А.Прановіч; рэдкалегія: А. М. Карлюкевіч і інш.]. - Мінск : Беларусь, 2003. - 748 с. - 3000 экз. ISBN 985-01-0251-9