Сеговія

У паняцця ёсць і іншыя значэнні, гл. Сеговія (значэнні).

Сеговія (ісп.: Segovia) — горад у Іспаніі з насельніцтвам каля 55 тысяч жыхароў. З’яўляецца адміністрацыйным цэнтрам аднайменнай правінцыі Сеговія ў Кастыліі і Леоне. Сеговія знаходзіцца за 90 км на паўночны захад ад Мадрыда на скалістым узвышша паміж рэкамі Эрэсма і Кламорэс. Нараўне з Таледа і Авілай гэта адзін з трох гарадоў-музеяў, размешчаных паблізу іспанскай сталіцы. З 1985 года Сеговія ўключана ў спіс Сусветнай спадчыны ЮНЕСКА.

Гісторыя

Першапачаткова на тэрыторыі сучаснаый Сеговіі жылі кельцкія плямёны, з цягам часу мясцовасць апынулася пад уладай рымлян. У 80 да н.э. годзе быў заснаваны горад. Падчас рымскага перыяду паселішча належала аднаму са шматлікіх сучасных лацінскіх манастыроў. Лічыцца, што горад быў закінуты пасля ўварвання маўраў у Іспанію. Пасля заваёвы Таледа Альфонса VI Сеговія пачала засяляцца хрысціянамі з паўночнай часткі паўвострава і з-за Пірэнеяў.

Сеговія ляжала на гандлёвых шляхах, што зрабіла яе важным цэнтрам гандлю тэкстылем. У канцы Сярэднявечча горад перажываў свой залаты век, у горадзе павялічылася колькасць яўрэйскага насельніцтва. Характэрна, што Ізабела I была абвешчана каралевай Кастыліі ў царкве Сан-Мігель-дэ-Сеговія 13 снежня 1474 года.

Славутасці

• познегатычны сабор, закладзены ў 1525 годзе па загаду Карла V;
• знакаміты рымскі акведук даўжынёй у 728 м і вышынёй у 28 м, які ўзвышаецца над горадам і яго наваколлямі;
• Алькасар у Сеговіі — адна з самых грандыёзных рэзідэнцый іспанскіх кіраўнікоў.
• Царква Ла Вера Крус была адной з рэзідэнцый ордэна тампліераў з 1208 года да яго ліквідацыі.
• манастыр Санта-Крус ла Рэал
• манастыр Эль-Параль
• Музей Сеговіі
• Музей Сучаснага Мастацтва Эстэбана Вісентэ
• Музей Салаага
• Дом Музей Антоніа Мачада

Гарады-пабрацімы

•  Кандонгу[d], Паўднёвая Карэя
•  Мэрысвіл[d], ЗША
•  Тур, Францыя (1972)[1]
•  Тусан, ЗША
•  Эдынбург, Вялікабрытанія

Сабор Сеговіі		Від на Сеговію з мясцовага алькасара		Алькасар у Сеговіі

Спасылкі

• На Вікісховішчы ёсць медыяфайлы па тэме Сеговія
• Афіцыйны партал горада

1. ↑ https://www.tours.fr/action-municipale/364-jumelages-et-partenariats.htm#par2406