Сількебарг

Сі́лькебарг — горад у цэнтральнай Даніі, на паўвостраве Ютландыя. Адміністрацыйны цэнтр аднайменнай камуны. Насельніцтва — 55080 жыхароў (2005). Развіццё Сількебарга як сучаснага горада пачынаецца з заснавання папяровай фабрыкі Міхаэлем Дрэўсенам (Michael Drewsen) на рацэ Гудэна ў 1844 годзе. Сількебаргскае доўгае возера(дацк.) бел. падзяляе горад на паўночную і паўднёвую частку, з возера ва ўсходняй яго частцы выцякае рака Гудзена.

Горад адметны наяўнасцю вялікай колькасці аўтасалонаў і фінансавага сектара; тут да прыкладу таксама размяшчаецца штаб-кватэра трэцяга па памеры дацкага банка Jyske Bank A/S.

У горадзе маецца каманда дацкай суперлігі па футболе — «Сількебарг».

Кожны год у канцы ліпеня ў Сількебаргу праводзіцца джазавы фестываль Riverboat Jazz festival, а ў сярэдзіне жніўня фестываль кантры-музыкі Scandinavian Country Club. Дональд Джордж Паўэл — бубнач і заснавальнік брытанскай глэм-рокавай групы Slade пераехаў у горад у 2004 годзе.

У 1944 годзе побач з горадам быў застрэлены гестапа святар і драматург Кай Мунк.

Спорт

• Арыентаванне — у 1974 годзе ў ваколіцах Сількебарга праходзіў пяты летні чэмпіянат свету па арыентаванні.

Гарады-пабрацімы

• Баня-Лука, Боснія і Герцагавіна
• Саванліна, Фінляндыя
• Аўрбарг, Ісландыя
• Арэндал, Нарвегія
• Гіжыска, Польшча
• Кальмар, Швецыя
• Кайзерслаўтэрн, Германія
• Карона, ЗША

Зноскі

1. ↑ http://www.statistikbanken.dk/BY1