Тума

Тума[2] (руск.: Ту́ма; да 1917 года — Мікалаеўская Тума) — пасёлак гарадскога тыпу ў Клепікоўскім раёне Разанскай вобласці Расіі. Пасёлак размешчаны на рацэ Нарма (прыток ракі Гусь), у цэнтральнай частцы Мяшчэрскай нізіны на невялікім узвышэнні — Ягор’еўска-Касімаўскай марэннай градзе. За 20 км ад раённага цэнтра, за 100 км ад Разані, за 200 км ад Масквы. Статус пасёлка гарадскога тыпу атрыманы ў 1938 годзе.

Вядомыя ўраджэнцы і жыхары

• Мікалай Васілевіч Турбін (1912—1998) — вучоны, генетык і селекцыянер, доктар біялагічных навук (1943), акадэмік Акадэміі навук БССР (1948), акадэмік УАСГНІЛ (1967). Заслужаны дзеяч навукі БССР (1972)[3] .
• Іван Якаўлевіч Фяцісаў (1920—1994) — беларускі мастак.

Зноскі

1. ↑ 26. Численность постоянного населения Российской Федерации по муниципальным образованиям на 1 января 2018 года — Federal State Statistics Service. Праверана 23 студзеня 2019.
2. ↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8. — карта Разанскай вобласці
3. ↑ Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 708. — 800 с. — 5 000 экз. — ISBN 985-11-0026-9.