Узгорск

Узго́рск[2] (трансліт.: Uzhorsk, руск.: Узгорск) — вёска ў Слаўгарадскім раёне Магілёўскай вобласці. Уваходзіць у склад Лапаціцкага сельсавета.

Назва

Назва адлюстроўвае гарысты (узгоркавы) рэльеф каля ракі Расты, на крутым правым беразе якой размешчана вёска[3].

Гісторыя

Паводле сведчання мясцовых старажылаў, вёска ўзнікла пасьля адмены прыгону (1861). Адначасова вядома, што яшчэ ў 1783 годзе ў вёсцы было 5 двароў, 19 жыхароў[3].

Насельніцтва

• 2011 год — 6 чалавек[1]
• 2010 год — 5 чалавек
• 1999 год — 10 чалавек
• 1926 год — 191 чалавек[3]

Вядомыя асобы

• М. П. Бяганскі[4] (1934—) — Герой Сацыялістычнай Працы

Цікавыя факты

У вёсцы Узгорск жылі прадзед і прабабуля Алы Пугачовай (Павел і Марыя), у якіх было 7 дзяцей. Марыя (у акрузе была вядомай лекаркай і варажбіткай) дажыла амаль да 90 гадоў (памерла на хаду), пахаваная ў вёсцы Нядашава (Магілёўская вобласць), Павел памёр ва ўзросце каля 40 гадоў (пахаваны ў вёсцы Узгорск).

Зноскі

1. 1 2 3 КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.)
2. ↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. ISBN 978-985-458-159-0. (DJVU)
3. 1 2 3 Памяць: Гіст.-дакум. хроніка Слаўгарадскага раёна / Рэдкал. Г. К. Кісялёў (гал. рэд.) і інш. — Мн.: БелТА, 1999. — С. 582.
4. ↑ т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

Спасылкі

• На Вікісховішчы ёсць медыяфайлы па тэме Узгорск