Улукі

Улу́кі[2] (трансліт.: Uluki, руск.: Улуки) — вёска ў Слаўгарадскім раёне Магілёўскай вобласці. Уваходзіць у склад Лапаціцкага сельсавета.

Назва

Назва вёскі паходзіць ад таго, што размешчана яна на луцэ, якая ўтворана рэкамі Раста і Ляснянка, т. б. знаходзіцца ля лукі, каля лукі. Старажылы таксама сцвярджаюць, што рака Проня адрэзала луку, выпраміла сваё ручво. Паселішча на луцэ і стала называцца Улукі[3].

Гісторыя

У 1782 годзе згадваецца пад назвай Улоскі. У 1783 годзе 58 двароў, 282 жыхары. У 1896 годзе належала купцу Мацейсону, які валодаў 3721 дзесяцінай зямлі, з вадзянымі млынамі, карчмой (1882). У вёсцы быў млын на р. Чыстая Лужа[3].

У гады Вялікай Айчыннай вайны вёска спалена[3]. З 132 даваенных дамоў было знішчана 126, забіта 16 чалавек[4].

Насельніцтва

• 2011 год — 46 чалавек[1]
• 2010 год — 50 чалавек
• 1999 год — 85 чалавек

Інфраструктура

У вёсцы дзейнічае дом сацыяльных паслуг[1].

Вядомыя асобы

• І. К. Цішчанка (1930 — ?) — беларускі фалькларыст, літаратуразнавец[5]
• І. Р. Цішчанка[6] (1912—1987) — беларускі хімік-арганік

Зноскі

1. 1 2 3 4 КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.)
2. ↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. ISBN 978-985-458-159-0. (DJVU)
3. 1 2 3 Памяць: Гіст.-дакум. хроніка Слаўгарадскага раёна / Рэдкал. Г. К. Кісялёў (гал. рэд.) і інш. — Мн.: БелТА, 1999. — С. 582.
4. ↑ База «Спаленыя вёскі» (руск.)
5. ↑ Цішчанка Іван Кірылавіч Архівавана 26 жніўня 2018.
6. ↑ т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Ваенныя пахаванні