Банаўцы-над-Бэбраваў

Банаўцы-над-Бэбраваў (славацк.: Bánovce nad Bebravou, ням.: Banowitz, венг.: Bán, часам бел.: Банаўцы-над-Бэбравай) — горад Трэнчынскага краю ў заходняй Славакіі на рацэ Бэбрава.

Назва

Прынята лічыць, што назва горада паходзіць ад уласнага імя, альбо ад тытула Бан, якім у сярэднявеччы ў некаторых краінах называлі кіраўніка зямлі. Над Бэбраваў значыць, што горад ляжыць на рацэ Бэбрава. Іншыя назвы горада: як вёска Ben (1232), як вёска Ban (1318), Banowitz (1389), Banowcz (1439), Ban (1467), Banowcze (1471).[4]

Гісторыя

Першая пісьмовая згадка горада датуецца 1232 годам. Першапачаткова гэта вёска Ben. Ужо ў 1376 годзе атрымлівае статус Вольнага каралеўскага горада. Гісторыя Банаўцы-над-Бэбраваў звязана з падпаламі горада гусітамі ў 1431—1433 гадах, і разграбленнем яго турэцкімі войскамі, якія ўварваліся з поўдня ў 1633 годзе. У сярэднія вякі ён стаў важным цэнтрам рамеснай вытворчасці, дзе значнае месца займалі шаўцы, цесляры, кавалі, мяснікі, ткачы. Першая пачатковая школа была адкрыта ў XVII стагоддзі. Падчас Другой сусветнай вайны горад быў вызвалены румынскімі войскамі 1-й арміі 5 красавіка 1945 года.

Геаграфія

Горад размешчаны ў самай паўночнай частцы Дунайскага ўзвышша, у перадгор’і Стражаўскіх гор, на зліцці рэк Бэбрава і Радзіша. За 20 км ад Пр’евідзы, 30 км Трэнчына і 50 км ад Нітры.

Прамысловасць

Восенню 2005 года была заснавана кампанія LKW Komponenten sro. Кампанія вырабляе дадатковыя дэталі для кабін грузавых аўтамабіляў. LKW Komponenten sro з’яўляецца асноўным пастаўшчыком дэталяў у MAN. На прадпрыемстве занята больш за 300 супрацоўнікаў. Акрамя таго ў горадзе ёсць вытворчыя ўчасткі па вырабе аўтамабільных дэталяў кампаній HELLA GmbH і Fritz Meier. Лёгкая прамысловасць прадстаўлена нямецкімі вытворцамі Gabor і Eterna Mode GmbH, у апошняй працуе больш за 700 супрацоўнікаў.

Славутасці

У горадзе налічваецца 15 помнікаў культуры, а яго раёны ўпісаны ў цэнтральны спіс помнікаў культуры ў Браціславе.

• Касцёл святога Мікалая[sk] (першапачаткова гатычная царква 15 стагоддзя)
• Касцёл Найсвяцейшай Тройцы[sk]
• Лютэранская царква (першапачаткова сінагога)
• Сядзібна-паркавы комплекс Horné Ozorovce
• Помнік Людавіту Штуру

Галерэя

• Сядзібна-паркавы комплекс
• Касцёл святога Мікалая
• Касцёл Найсвяцейшай Тройцы
• Помнік Людавіту Штуру

Вядомыя асобы

• Раман Броніш (нар. 1976), веласіпедыст

Гл. таксама

• Трэнчынскі край
• Трэнчын
• Нітра

Зноскі

1. ↑ Спіс абраных мэраў муніцыпалітэтаў, гарадоў і гарадскіх раёнаў [анлайн]. Bratislava : ŠÚ SR, 2014-11-21. Даступна анлайн
2. ↑ Адноўленыя зямельныя рэгістры [анлайн]. Bratislava : ÚGKK SR, [cit. 2011-12-31]. Даступна анлайн
3. ↑ Насельніцтва 31.12.2017 [анлайн]. Bratislava : Štatistický úrad SR, 2018-03-27. Даступна анлайн
4. ↑ Martin Štefánik — Ján Lukačka et al. 2010, Lexikón stredovekých miest na Slovensku, Historický ústav SAV, Bratislava, 2010. forumhistoriae.sk Архівавана 26 сакавіка 2017.

Спасылкі

Афіцыйны сайт