Нітра (горад)

Нітра (славацк.: Nitra, ням.: Neutra) — горад на захадзе Славакіі і адміністрацыйны цэнтр Нітранскага края, стаіць на рацэ Нітры. Насельніцтва горада складае амаль 85 тысяч чалавек.

Гісторыя

У канцы V стагоддзя на тэрыторыі Нітры ўпершыню з’яўляюцца славяне. У VII стагоддзі тэрыторыя была часткай імперыі Само, потым было створана Нітранскае княства, якое пазней стала часткай Вялікай Маравіі. Менавіта Нітра лічыцца калыскай славацкага хрысціянства, бо, як лічыцца, у 829—833 гадах паганец Прыбіна заклікаў сюды зальцбургскага архіепіскапа, каб той асвяціў царкву. Тут і спыняліся Кірыл і Мяфодзій. Пасля паражэння Вялікай Маравіі Нітра адыйшла да Венгерскага каралеўства, дзе стала цэнтрам жупы.

У 1248 годзе Нітра стала свабодным каралеўскім горадам, яна належала да ліку самых заможных гарадоў Венгрыі. У XIX стагоддзі тут жыло больш за 10 тысяч жыхароў. У складзе Чэхаславакіі Нітра зноў стала цэнтрам жупы. На сёння Нітра важны прамысловы цэнтр заходняй Славакіі.

Гарады-пабрацімы

•  Бачкі-Петравац[d], Сербія
•  Веспрэм, Венгрыя
•  Госфард[d], Аўстралія
•  Зутэрмер[d], Нідэрланды
•  Зялёна Гура, Польшча (18 верасня 1992)[1]
•  Кельцы, Польшча
•  Кромержыж, Чэхія
•  Кёнджу[d], Паўднёвая Карэя (21 жніўня 2014)
•  Нейпервіл, ЗША (17 лістапада 1993)[2]
•  Осіек, Харватыя
•  Сумы, Украіна
•  Чэске-Будзеёвіцы, Чэхія

Зноскі

1. ↑ http://www.zielona-gora.pl/PL/1111/3559/Nitra__Slowacja/
2. ↑ https://www.naperville.il.us/government/board-and-commissions/sister-cities-commission/nitra-slovakia/

Спасылкі

• На Вікісховішчы ёсць медыяфайлы па тэме Нітра (горад)
• Сайт горада
• Замак Нітры Архівавана 27 верасня 2007.