Берлінгтан (Вермонт)
Берлінгтан (англ.: Burlington) — найбуйнейшы горад амерыканскага штата Вермонт, цэнтр акругі Чытэндэн. Заснаваны ў 1785 годзе. Размешчаны на схіле пагорка паміж берагам возера Шамплейн і гарамі Адырандак, за 72 км на поўдзень ад амерыкана-канадскай мяжы (Вермонт-Квебек) і за 151 км на поўдзень ад Манрэаля. На ўсход ад Берлінгтана раскінуліся Зялёныя горы. Насельніцтва — 42282 жыхара (2013).
Берлінгтан атрымаў назву ад сямейства Берлінгаў, якое першымі асвоіла навакольныя землі. Годам заснавання паселішча лічыцца 1763, аднак яго актыўнае засяленне пачалося толькід праз дзесяць гадоў, калі тут пачалі працаваць суднаверф і лесапільня. На выпадак нападу брытанцаў у горадзе існаваў гарнізон.
Берлінгтан — найбуйнейшы культурны цэнтр штата Вермонт. У 1791 г. тут заснаваны Вермонцкі ўніверсітэт, ў 1878 — каледж Шамплейн. Стары будынак універсітэта («Old Mill») заклаў генерал Лафает. За 11 км на поўдзень ад горада на тэрыторыі 18 га знаходзіцца Шэлбёрнскі музей.
Клімат
Берлінгтан мае вільготны кантынентальны клімат (Dfb паводле класіфікацыі клімату Кёпена) з халоднай зімой і цёплым, вільготным летам. Сярэднямесячная тэмпература вар’іруецца ад −7,4 C° у студзені да 21.4 C° у ліпені. Сярэднегадавая колькасць ападкаў складае 937 мм, а найбольш вільготнымі з’яўляюцца летнія месяцы. Пад уплывам возера Шамплейн у горадзе магчымыя снежныя шквалы, калі ў некаторых выпадках за 12 гадзін можа выпасці да 33 см снегу[3]. Агулам снегавых ападкаў у Берлінгтане выпадае ў сярэднім 206 см, але гэта значэнне можа прыкметна змяняцца ад года да года.
- Сярэднегадавая тэмпература — +7,7 C°
- Сярэднегадавая хуткасць ветру — 3,6 м/с
- Сярэднегадавая вільготнасць паветра — 70 %
| Клімат Берлінгтана | |||||||||||||
|---|---|---|---|---|---|---|---|---|---|---|---|---|---|
| Паказчык | Сту | Лют | Сак | Кра | Май | Чэр | Ліп | Жні | Вер | Кас | Ліс | Сне | Год |
| Абсалютны максімум, °C | 18,9 | 16,7 | 28,9 | 32,8 | 33,9 | 37,8 | 37,8 | 38,3 | 36,7 | 29,4 | 23,9 | 19,4 | 38,3 |
| Сярэдні максімум, °C | −2,7 | −0,8 | 4,4 | 12,6 | 19,6 | 24,6 | 27,2 | 26,1 | 21,3 | 14,0 | 7,5 | 0,7 | 12,9 |
| Сярэдняя тэмпература, °C | −7,4 | −5,8 | −0,6 | 7,1 | 13,5 | 18,8 | 21,4 | 20,4 | 15,8 | 8,9 | 3,4 | −3,4 | 7,7 |
| Сярэдні мінімум, °C | −12,1 | −10,8 | −5,6 | 1,6 | 7,4 | 12,9 | 15,7 | 14,7 | 10,4 | 3,9 | −0,6 | −7,5 | 2,5 |
| Абсалютны мінімум, °C | −34,4 | −34,4 | −31,1 | −16,7 | −4,4 | 0,0 | 3,9 | 1,7 | −3,9 | −9,4 | −19,4 | −33,9 | −34,4 |
| Норма ападкаў, мм | 52 | 45 | 56 | 72 | 88 | 94 | 106 | 99 | 93 | 91 | 80 | 61 | 937 |
| Крыніца: Надвор'е і клімат | |||||||||||||
Вядомыя ўраджэнцы і жыхары
- Джэйк Саліван, амерыканскі дзяржаўны дзеяч
Гарады-пабрацімы
Зноскі
- ↑ https://data.census.gov/cedsci/table?q=United%20States&tid=DECENNIALPL2020.P1 Праверана 21 верасня 2021.
- ↑ 2020 United States Census / пад рэд. Бюро перапісу насельніцтва ЗША Праверана 1 студзеня 2022.
- ↑ Архівавана 24 чэрвеня 2008.
Спасылкі
На Вікісховішчы ёсць медыяфайлы па тэме Берлінгтан (Вермонт)
Катэгорыя·Населеныя пункты паводле алфавіта
Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.