Буфала

У гэтага паняцця ёсць і іншыя значэнні, гл. Буфала (значэнні). Буфала (англ.: Buffalo [ˈbʌfəloʊ]) — горад у штаце Нью-Ёрк, другі па насельніцтве горад штата (пасля Нью-Ёрка), таксама ўжываецца і Бафала.

292648 жыхароў (2000). Адміністрацыйны цэнтр акругі Эры. Эканамічны і культурны цэнтр агламерацыі Бафала-Ніягара (1,2 млн. жыхароў). Часам Бафала ўключаюць у так званую «Залатую падкову» (Голдэн-Хорсшу) - амаль мільённую агламерацыю, якая ахоплівае з захаду возера Антарыа і якая знаходзіцца большай сваёй часткай на тэрыторыі Канады.

Горад размешчаны на ўсходнім беразе возера Эры, аднаго з Вялікіх азёр, на правым беразе памежнай з Канадай ракі Ніягара, якая злучае возера Эры з возерам Антарыа.

Еўрапейскае паселішча з канца XVIII стагоддзя; бурны рост пачаўся з 1840-х пасля з’яўлення канала Эры; да канца XIX стагоддзя Бафала - адзін з найбуйнейшых гарадоў ЗША, найбуйнейшы ўнутраны порт краіны, цэнтр цяжкой і харчовай прамысловасці. Але да сярэдзіны XX стагоддзя значэнне гандлёвага шляху па канале Эры ўпала, а з ім і прамысловае значэнне горада. Зараз Бафала - гэта перш за ўсё культурны, фінансавы, адукацыйны і медыцынскі цэнтр. Перавод вытворчасці рэзка палепшыў экалагічную сітуацыю ў горадзе; у 2005 годзе горад увайшоў у тройку самых чыстых гарадоў краіны.

Гарады-пабрацімы

• Горлаўка (укр.: Горлівка), Украіна
• Дортмунд (ням.: Dortmund), Германія
• Драгобыч (укр.: Дрогобич), Украіна
• Жэшаў (польск.: Rzeszów), Польшча
• Канадзава (яп.: 金沢市), Японія
• Кейп-Кост (англ.: Cape Coast), Гана
• Кір’ят-Гат (іўр.: קִרְיַת גַּת), Ізраіль
• Ліль (фр.: Lille), Францыя
• Акруга Сент-Ан (англ.: Saint Ann Parish), Ямайка
• Сіена (італ.: Siena), Італія
• Тарэмаджорэ (італ.: Torremaggiore), Італія
• Цвер, Расія

Спасылкі

• На Вікісховішчы ёсць медыяфайлы па тэме Буфала