Гамільтан (Новая Зеландыя)

У гэтага паняцця ёсць і іншыя значэнні, гл. Гамільтан.

Гамільтан (англ.: Hamilton) — горад на в. Паўночны Новай Зеландыі, цэнтр рэгіёну Ваіката.

Насельніцтва горада складае 187 960 чалавек, яшчэ 129 249 пражывае ў ваколіцах і ў прылеглых населеных пунктах. Горад размешчаны па абодвух берагах найбуйнейшай ракі Новай Зеландыі Ваіката. На мове карэннага насельніцтва краіны горад называецца Кірыкірыроа (маоры: Kirikiriroa).

У горадзе размешчаны адзін з найбуйнейшых універсітэтаў краіны Універсітэт Уаіката (англ.: University of Waikato), у ім і іншых прафесійных навучальных установах горада навучаецца каля 25 000 чалавек.

Горад з’яўляецца найбуйнейшым чыгуначным вузлом краіны і адным з найважнейшых транспартных вузлоў. У горадзе размешчана найбуйнейшае авіябудаўнічае прадпрыемства краіны — Пасіфік Аэраспейс (англ.: Pacific Aerospace), якое выпускае камплектуючыя часткі для лідараў сусветнага самалётабудавання Boeing і Airbus SAS і лёгкія самалёты.

Гарады-пабрацімы

• Сакрамента, Каліфорнія, ЗША
• Сайтама, Сайтама, Японія
• Усі, Цзянсу, Кітай
• Чыльян, Бія-Бія, Чылі

Вядомыя асобы

• Джасінда Ардэрн (нар. 1980) — навазеландскі палітык
• Хелен Элізабет Кларк (нар. 1950) — навазеландскі палітык

Літаратура

• Гамільтан // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 5: Гальцы — Дагон. — 576 с. — 10 000 экз. — ISBN 985-11-0090-0 (т. 5), ISBN 985-11-0035-8.

Спасылкі

• На Вікісховішчы ёсць медыяфайлы па тэме Гамільтан (Новая Зеландыя)