Сакрамента (Каліфорнія)

У гэтага паняцця ёсць і іншыя значэнні, гл. Сакрамента. Сакраме́нта[1] (англ.: Sacramento) — горад на захадзе ЗША на месцы ўпадзення ракі Амерыкан-Рывер ў раку Сакрамента.

Адміністрацыйны цэнтр штата Каліфорнія і акругі Сакрамента, заснаваны ў снежні 1848 г. Джонам Сатэрам-малодшым — сынам імігранта з Швейцарыі, які заснаваў першае «белае» пасяленне ў гэтым рэгіёне.

Насельніцтва 466 488 жыхароў (2010 год), гэта — сёмы па велічыні горад у Каліфорніі.

У 2016 годзе ў школе Community Outreach Academy, размешчанай у прыгарадзе Сакрамента ў зоне кампактнага пражывання славянскай дыяспары, адкрыўся клас беларускай мовы і літаратуры; было гэта звязана з тым, што колькасць беларускіх дзяцей, якія навучаюцца ў школе, павялічваецца. Ідэя адкрыцця беларускага класа была рэалізавана дзякуючы намаганням дырэктара школы Ларысы Ганчар, выхадца з Беларусі, і пры садзейнічанні з боку Міністэрства замежных спраў Беларусі, пасольства ў ЗША і Гродзенскага гарвыканкама, які перадаў школе неабходныя вучэбна-метадычныя матэрыялы[2].

Гарады-пабрацімы

• Ёнсангу (кар.: 용산구; 龍山區), Паўднёвая Карэя
• Кішынёў (малд.: Chişinău; Кишинэу), Малдавія
• Лісталь (ням.: Liestal), Швейцарыя
• Маніла (англ.: Manila), Філіпіны
• Мацуяма (яп.: 松山市), Японія
• Цзінань (кіт. трад. 济南, спр. 濟南 , піньінь: Jǐnán), Кітай
• Гамільтан (англ.: Hamilton), Новая Зеландыя

Зноскі

1. ↑ БелЭн, 2002
2. ↑ belta.by

Літаратура

• Сакрамента // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 90. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

• Population Estimates for Cities, Counties and the State with Annual Percent Change Архівавана 23 верасня 2006.