Гарадок (Глускі раён)

У паняцця ёсць і іншыя значэнні, гл. Гарадок.

Гарадо́к[1] (трансліт.: Haradok, руск.: Городок) — вёска ў Глускім раёне Магілёўскай вобласці. Уваходзіць у склад Завалочыцкага сельсавета.

Размешчана на рацэ Пціч за 17 км на поўнач ад гарадскога пасёлка Глуск, за 200 км ад Магілёва.

Гісторыя

Упамінаецца з 2-й паловы XV ст. У канцы XVI — пачатку XIX ст. вёска мела назву Гарадок Глуск-Пагарэлы[2]. Належала Гальшанскім, Гаштольдам, Астрожскім, Радзівілам.
З 1783 года ў складзе Расійскай імперыі.У 1847 годзе вёска ў маёнтку Дварэц (Бабруйскі павет). З 1924 года цэнтр Гарадоцкага сельсавета Глускага раёна.
Падчас Вялікай Айчыннай вайны ў 1942—1943 гг. нямецка-фашысцкія захопнікі загубілі ў вёсцы 89 жыхароў.

З 1960 года Гарадок у Завалочыцкім сельсавеце.

Насельніцтва

• 1847 — 148 жыхароў, 24 двары;
• 1897 — 337 жыхароў, 52 двары;
• 1917 — 466 жыхароў, 99 двароў;
• 1996 — 107 жыхароў, 71 двор[2].

Славутасці

• Свята-Казьма-Дзям’янаўская царква (1814 год) —  Гісторыка-культурная каштоўнасць Беларусі, шыфр 513Г000408шыфр 513Г000408.
• Брацкая магіла савецкіх воінаў.

Вядомыя асобы

• Васіль Мартынавіч Зубец (1907 — 1991) — савецкі беларускі дзяржаўны дзеяч, вучоны ў галіне меліярацыі.

Зноскі

1. ↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. ISBN 978-985-458-159-0. (DJVU)
2. 1 2 Беларуская энцыклапедыя: У 18 т. Т.5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — Т. 5. — С. 44. — 576 с. — 10 000 экз. — ISBN 985-11-0090-0.

Літаратура

• Беларуская энцыклапедыя: У 18 т. Т.5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — Т. 5. — С. 44. — 576 с. — 10 000 экз. — ISBN 985-11-0090-0.

Спасылкі

• На Вікісховішчы ёсць медыяфайлы па тэме Гарадок (Глускі раён)