Дзераўнянскі сельсавет

У гэтага паняцця ёсць і іншыя значэнні, гл. Дзераўноўскі сельсавет. Дзераўня́нскі сельсавет — адміністрацыйна-тэрытарыяльная адзінка ў складзе Стаўбцоўскага раёна Мінскай вобласці. Цэнтр — аграгарадок Дзераўная.

Утвораны 12 кастрычніка 1940 года як Дзераўноўскі сельсавет у складзе Івянецкага раёна Баранавіцкай вобласці БССР з цэнтрам у вёсцы Дзераўная. З 8 студзеня 1954 года ў складзе Маладзечанскай вобласці. 27 сакавіка 1959 года скасаваны, тэрыторыя сельсавета разам з тэрыторыяй Мешыцкага сельсавета ўвайшла ў склад зноў створанага Хотаўскага сельсавета[1].

24 снежня 2011 года Хатаўскі сельсавет быў перайменаваны ў Дзераўнянскі, цэнтр перанесены ў вёску Дзераўная[2].

Насельніцтва сельсавета паводле перапісу 2009 года — 2798 чалавек[3], з іх 63,6 % — палякі, 32,9 % — беларусы, 2,4 % — рускія[4].

У склад сельсавета ўваходзіць 17 населеных пунктаў:

• Агароднікі
• Барок
• Беламошша
• Беліца
• Дзераўная
• Дзяражнае
• Заброддзе
• Зарэчча
• Круговіны
• Лубень
• Ніўнае
• Падляскоўе
• Скрошчына
• Хатава
• Хатоўка
• Школьны
• Янкавічы

Зноскі

1. ↑ Рашэнне выканкома Маладзечанскага абласнога Савета дэпутатаў працоўных ад 27 сакавіка 1959 г. // Зборнік законаў Беларускай ССР і указаў Прэзідыума Вярхоўнага Савета Беларускай ССР. — 1959, № 4.
2. ↑ Решение Минского областного Совета депутатов 24 декабря 2011 г. № 134 О переименовании сельсоветов Столбцовского района Архівавана 20 лістапада 2020.
3. ↑ Колькасць насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
4. ↑ Этнічны склад насельніцтва сельсаветаў Беларусі паводле перапісу 2009 года

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.