Засулле

Засу́лле[1] (трансліт.: Zasullie, руск.: Засулье) — аграгарадок у Стаўбцоўскім раёне Мінскай вобласці. Уваходзіць у склад Рубяжэвіцкага сельсавета. За 16 кіламетраў на паўночны ўсход ад Стоўбцаў, 96 кіламетраў ад Мінска.

Гісторыя

Вядома з XVI ст. Першыя вядомыя ўладальнікі — татарскія князі Уланы (Улановічы). У 1592 годзе вёску набыў князь Яраш Жыжэмскі. На працягу XVII ст. вёска разрасталася, чаму спрыяла знаходжанне на гандлёвым шляху Менск—Мір. У XVIII ст. на некаторы час вёска ўваходзіла ў склад уладанняў Радзівілаў. У канцы XVIII ст. уладальнік — Вінцэнт Дзерналовіч. У XIX ст. уласнасць перайшла да Крупскіх.

У 1921—1939 гадах у складзе Польшчы.

Да 28 мая 2013 года вёска ўваходзіла ў склад Засульскага сельсавета [2].

Насельніцтва

548 жыхароў (1897)
984 жыхары, 281 двор (1971)
422 жыхары, 186 двароў (1997)
307 жыхароў, 138 двароў (2013)

Інфраструктура

Сярэдняя школа
Дом культуры
Бібліятэка
Амбулаторыя
Аддзяленне сувязі

Славутасці

Сядзіба Крупскіх
Свята-Іаана-Прадцечанская царква

Вядомыя асобы

Уладзімір Іосіфавіч Жук (нар. 1941) — беларускі мастак-плакатыст.
Георгій Іосіфавіч Жыхар (нар. 1936) — беларускі спецыяліст у галіне цеплаэнергетыкі. Доктар тэхнічных навук, прафесар.

Зноскі

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (руск.)

Літаратура

Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. ISBN 985-11-0279-2

Спасылкі

На Вікісховішчы ёсць медыяфайлы па тэме Засулле
Засулле на сайце Глобус Беларусі (руск.)
Zasule // Słownik geograficzny Królestwa Polskiego i innych krajów słowiańskich. — Tom XIV (Worowo — Żyżyn), 1895. — S. 454 (польск.)

Тэмы гэтай старонкі:
Катэгорыя·Населеныя пункты Беларусі з насельніцтвам з Вікідадзеных Катэгорыя·Населеныя пункты Стаўбцоўскага раёна Катэгорыя·Населеныя пункты паводле алфавіта
Змесціва гэтай старонкі з праектаў амерыканскага фонда «Вікімедыя» дасяжнае пад сукупнай ліцэнзіяй CC BY-SA 3.0 і GFDL.