Казлу Руда

Казлу́ Руда́ (літ.: Kazlų Rūda, традыцыйная беларуская назва — Казло́ва Ру́да) — горад у Цэнтральнай Літве, у Марыямпальскім павеце, за 27 км на поўнач ад Марыямпале. Насельніцтва налічвае каля 7,5 тыс. чалавек. Горад з’яўляецца адміністрацыйным цэнтрам Казлурудскага самакіравання. Праз горад ідзе чыгунка Каўнас — Чарняхоўск. Казлу Руда адносіцца да этнаграфічнага рэгіёна Судовія.

Этымалогія

Назва горада паходзіць ад фаміліі двараніна прадпрымальніка Казла, які жыў тут у XVI—XVII стагоддзях і заснаваў дзягцярню. Калі ў навакольных лясах былі выведаны невялікія радовішчы жалезнай руды, з’явіліся прадпрыемствы па выплаўцы жалеза — рудні.

Гісторыя

Упершыню паселішча ўзгадваецца ў 1744 годзе. Паступова паселішча развівалася як цэнтр дзягцярнай вытворчасці, а потым апрацоўцы жалеза. Калі ў 1860—1861 гадах праз горад прайшла чыгунка, тут было пабудавана чыгуначнае дэпо. Пасля 1920 года горад трапіў у склад Літвы, стаўшы, з 1931 года, цэнтрам староства. З 1940 года Казлу Руда ў складзе СССР. У 1950 годзе Казлу Руда атрымала статус горада і стала (да 1962 года) цэнтрам раёна. З 1999 года было ўтворана Казлу-Рудскае самакіраванне.

Гарады-пабрацімы

• Фромбарк, Польшча
• Зондэрсхаўзен, Германія
• Гусеў, Расія
• Львовак, Польшча
• Карукіўка, Украіна
• Алецка, Польшча
• Голдап, Польшча
• Масты, Беларусь

Спасылкі

• На Вікісховішчы ёсць медыяфайлы па тэме Казлу Руда