Каменіцкі сельсавет

Ка́меніцкі сельсавет — былая адміністрацыйна-тэрытарыяльная адзінка ў складзе Асіповіцкага раёна Магілёўскай вобласці Беларусі. Адміністрацыйны цэнтр — вёска Каменічы.

Утвораны 20 жніўня 1924 года як Велікакаменіцкі (Велікакаменскі) сельсавет у складзе Свіслацкім раёне Бабруйскай акругі БССР. Цэнтр — вёска Вялікія Каменічы. 24 верасня 1926 года скасаваны, тэрыторыя далучана да новаўтвораных Яноўскага нацыянальнага польскага і Градзянкаўскага (Градзянскага) сельсаветаў.

16 ліпеня 1954 года цэнтр Яноўскага сельсавета Асіповіцкага раёна Магілёўскай вобласці перанесены ў вёску Каменічы, сельсавет перайменаваны ў Каменіцкі[1]. З 25 снежня 1962 года сельсавет у складзе Бабруйскага раёна, з 6 студзеня 1965 года — у складзе адноўленага Асіповіцкага раёна. 13 лютага 2002 года скасаваны, тэрыторыя далучана да Градзянскага сельсавета[2].

На момант скасавання ў склад сельсавета ўваходзілі 6 населеных пунктаў: вёскі Асавок, Казімірова, Каменічы, Прыцерпа, Цэзарова і Яноўка.

Зноскі

1. ↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
2. ↑ Решение Могилевского областного Совета депутатов от 13 февраля 2002 г. № 17-4 Об изменении статуса рабочего поселка Гродзянка Осиповичского района и упразднении Гродзянского поселкового Совета, об образовании Гродзянского сельсовета, изменении границ Вязьевского и Протасевичского сельсоветов и упразднении Каменичского, Погорельского, Осиповичского сельсоветов Осиповичского района

Спасылкі

• Каменіцкі сельсавет у картатэцы Фондавага каталога дзяржаўных архіваў Рэспублікі Беларусь