Каракулічы

Кара́кулічы[1] (трансліт.: Karakuličy, руск.: Каракуличи) — вёска ў Мядзельскім раёне Мінскай вобласці. Уваходзіць у склад Занарацкага сельсавета.

Гісторыя

У 1868 г. вёска Шэметаўскай воласці Свянцянскага павета Віленскай губерні, 14 двароў, 116 жыхароў. У 1904 г. у вёсцы 207 жыхароў, у 1908 г. — 27 двароў, 222 жыхары. З 12.10.1940 г. у Сырмежскім сельсавеце Свірскага раёна Вілейскай, з 20.09.1944 г. Маладзечанскай абласцей, з 31.08.1959 г. у Мядзельскім раёне, з 20.01.1960 г. Мінскай вобласці. У верасні 1949 г. у вёсцы створаны калгас імя Калініна. З 06.03.1954 г. вёска знаходзіцца ў складзе калгасу імя М. Горкага (цэнтр — вёска Буйкі).

Да 28 мая 2013 года вёска ўваходзіла ў склад Сырмежскага сельсавета[2].

Насельніцтва

• 146 жыхароў (1960)
• 21 двор, 36 жыхароў (1997)

Інфраструктура

Ёсць прыватны магазін.

Вядомыя асобы

• Мар’ян Дукса — беларускі паэт

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. ↑ «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (руск.)

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх