Кухчыцкі сельсавет

Ку́хчыцкі сельсавет — адміністрацыйна-тэрытарыяльная адзінка ў складзе Клецкага раёна Мінскай вобласці. Цэнтр — аграгарадок (да 2008 г. вёска) Кухчыцы.

Утвораны 12 кастрычніка 1940 года як Ліскаўскі (Ліскоўскі) сельсавет у складзе Клецкага раёна Баранавіцкай вобласці БССР. Цэнтр — вёска Ліскава. З 8 студзеня 1954 года ў складзе Мінскай вобласці. З 25 снежня 1962 года ў складзе Нясвіжскага раёна. У 1966 годзе ў склад Тучанскага сельсавета пералічаны вёскі Дунайчыцы, Масцілавічы і Рудкі[1]. З 30 ліпеня 1966 года сельсавет у складзе адноўленага Клецкага раёна. 28 ліпеня 1980 года перайменаваны ў Кухчыцкі сельсавет, цэнтр перанесены ў вёску Кухчыцы. 22 верасня 1980 года да сельсавета далучана тэрыторыя скасаванага Заляшанскага сельсавета (вёскі Заляшаны, Іскры, Русаўшчына, Салаўі, Яфімавічы), у склад сельсавета з Сіняўскага сельсавета пералічана вёска Жомайдзь[2]. 28 мая 2013 года да сельсавета далучана частка скасаванага Тучанскага сельсавета (5 населеных пунктаў: Дунайчыцы, Масцілавічы, Рудкі, Траццякі, Туча)[3].

Насельніцтва сельсавета паводле перапісу 2009 года (8 населеных пунктаў) — 1485 чалавек[4], з іх 94,5 % — беларусы, 2,6 % — палякі, 2,0 % — рускія[5].

Зноскі

1. ↑ Рашэнні выканкома Мінскага абласнога Савета дэпутатаў працоўных ад 31 студзеня і 26 лютага 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1966, № 9 (1129).
2. ↑ Рашэнні выканкома Мінскага абласнога Савета народных дэпутатаў ад 28 ліпеня і 22 верасня 1980 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1980, № 31 (1657).
3. ↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016.
4. ↑ Колькасць насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
5. ↑ Этнічны склад насельніцтва сельсаветаў Беларусі паводле перапісу 2009 года

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.