Кіраўскі сельсавет (Глускі раён)

У гэтага паняцця ёсць і іншыя значэнні, гл. Кіраўскі сельсавет.

Кі́раўскі сельсаве́т — былая адміністрацыйна-тэрытарыяльная адзінка ў складзе Глускага раёна Магілёўскай вобласці. Цэнтр — вёска Балашэвічы.

Утвораны 15 студзеня 1971 года ў складзе Глускага раёна Магілёўскай вобласці БССР з цэнтрам у пасёлку Кіраўскае ў складзе населеных пунктаў Бервы, Вільча, Карпавічы і Кіраўскае Барысаўшчынскага сельсавета, Доўгі Лес, Кляшчоўка, Прыварацце і Старое Сяло Казловіцкага сельсавета і Балашэвічы і Зарэчча Хваставіцкага сельсавета[1]. 23 жніўня 2005 года цэнтр сельсавета перанесены ў вёску Балашэвічы. 23 снежня 2009 года сельсавет скасаваны, яго тэрыторыя далучана да Казловіцкага сельсавета[2].

Паводле перапісу 2009 года насельніцтва сельсавета складала 719 чалавек[3], з іх 97,8 % — беларусы[4].

На момант скасавання ў сельсавет уваходзілі 10 населеных пунктаў: Балашэвічы, Бервы, Вільча, Доўгі Лес, Зарэчча, Карпавічы, Кіраўскае, Кляшчоўка, Прыварацце і Старое Сяло.

Зноскі

1. ↑ Рашэнне выканкома Магілёўскага абласнога Савета дэпутатаў працоўных ад 15 студзеня 1971 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1971, № 7 (1309).
2. ↑ Решение Могилевского областного Совета депутатов от 23 декабря 2009 г. № 17-16 Об изменении административно-территориального устройства некоторых административно-территориальных единиц Могилевской области
3. ↑ Насельніцтва населеных пунктаў Беларусі паводле перапісу 2009 года Архівавана 2 кастрычніка 2019. (руск.)
4. ↑ Этнічны склад насельніцтва сельсаветаў Беларусі паводле перапісу 2009 года (руск.)

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.