Ланцуцкі нацыянальны польскі сельсавет

Ланцу́цкі нацыянальны польскі сельсавет — былая адміністрацыйна-тэрытарыяльная адзінка ў складзе Капыльскага раёна Мінскай вобласці. Цэнтр — вёска Ланцуцкае.

Утвораны 21 жніўня 1925 года як Шастакоўскі нацыянальны польскі сельсавет у складзе Капыльскага раёна Слуцкай акругі БССР. Цэнтр — вёска Шастакі. 7 жніўня 1926 года цэнтр сельсавета перайменаваны ў Ланцуцкае, а сельсавет — у Ланцуцкі нацыянальны польскі сельсавет. З 9 чэрвеня 1927 года ў складзе Мінскай акругі. Пасля скасавання акруговай сістэмы 26 ліпеня 1930 года ў Капыльскім раёне БССР. З 21 чэрвеня 1935 года ў складзе Слуцкай акругі. 14 жніўня 1937 года скасаваны, тэрыторыя далучана да Вялікараёўскага (вёскі Багушы, Калодзезнае і Сцяпуры), Прускага (вёскі Булатнікі і Чарнагубава) сельсаветаў і Капыльскага местачковага савета (вёскі Якубавічы, былы Ланцуцк, хутар Шастакі і пасёлак Мажа)[1].

Зноскі

1. ↑ Пастанова Прэзідыума Цэнтральнага Выканаўчага Камітэта БССР Аб ліквідацыі Ланцуцкага нацыянальна-польскага сельсовета Копыльскага раёна ад 14 жніўня 1937 г. // Збор законаў і распараджэнняў Рабоча-Сялянскага Ўрада Беларускай Савецкай Сацыялістычнай Рэспублікі. — 1938, № 1.

Літаратура

• Административно-территориальное устройство БССР: справочник: в 2 т. / А.И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с.