Мікулінск

Міку́лінск[1] (трансліт.: Mikulinsk, руск.: Микулинск) — вёска ў Калінкавіцкім раёне Гомельскай вобласці. Уваходзіць у склад Зеляноцкага сельсавета.

Гісторыя

Паводле пісьмовых крыніц вядома з XIX стагоддзя як паселішча ў Даманавіцкай воласці Рэчыцкага павета Мінскай губерні. У 1850 годзе вёска належала памешчыку Міхайлаву. У 1879 годзе была пазначана як паселішча ў Даманавіцкім царкоўным прыходзе. У 1931 годзе жыхары ўступілі ў калгас. У час Вялікай Айчыннай вайны ў 1944 годзе акупанты цалкам спалілі вёску і забілі 2 жыхароў.

У складзе калгаса «Камунар» (цэнтр — вёска Зеляночы).

На 2020 год у вёсцы 3 хаты.

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Ніку́лінск, Міку́лічы, мн.

Літаратура

• Мікулінск // Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. — 632 с.: іл. ISBN 985-11-0303-9. — С. 560.

Спасылкі

• На Вікісховішчы ёсць медыяфайлы па тэме Мікулінск