Наваполле (Навапольскі сельсавет)

У паняцця ёсць і іншыя значэнні, гл. Наваполле.

Навапо́лле[1] (трансліт.: Navapollie, руск.: Новополье) — аграгарадок у Пухавіцкім раёне Мінскай вобласці. Адміністрацыйны цэнтр Навапольскага сельсавета. Месціцца за 38 км на паўночны захад ад Мар’най Горкі, 30 км ад Мінска, 15 км ад чыгуначнай станцыі Рудзенск на лініі Мінск — Асіповічы, на рацэ Пціч (прыток Прыпяці).

Назва

Назва паходзіць ад участку зямлі — новае поле[2].

Гісторыя

Вядомая з XX ст.

У 1929 годзе створаны калгас «Наваполле», была кузня[2].

У Другую сусветную вайну з канца чэрвеня 1941 года да пачатку ліпеня 1944 года акупаваная нацысцкай Германіяй, у 1942 годзе немцамі былі забітыя 9 жыхароў[2].

З 8 ліпеня 1954 года цэнтр Навапольскага сельсавета.

Насельніцтва

• 1960 — 160 жыхароў
• 1999 — 311 жыхароў
• 2002 — 103 двары, 290 жыхароў
• 2010 — 112 гаспадарак, 317 жыхароў
• 2012 — 113 гаспадарак, 330 жыхароў

Інфраструктура

• Фельчарска-акушэрскі пункт
• Бібліятэка (адкрытая ў 1958 годзе)[3]
• Дзіцячы сад
• Ветэрынарны пункт
• Дом культуры
• Крама
• Аддзяленне сувязі
• Сярэдняя школа
• У 2013 годзе на тэрыторыі СВК «Агра-Абярэг»

Славутасці

• Брацкая магіла 125 савецкіх партызан, якія загінулі ў баі з нямецкімі войскамі 7 ліпеня 1944 года. Тут, сярод іншых, пахаваны Яўген Лізюкоў. Месціцца каля школы[2].

Спіс вуліц

• Маладзёжная вуліца
• Пасялковая вуліца
• Садовая вуліца
• Цэнтральная вуліца
• Цяністая вуліца[4]

Гл. таксама

• Навапольскі сельсавет

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. 1 2 3 4 Наваполле // Гарады і вёскі Беларусі. Т. 8 : Мінская вобласць, кн. 4 / Т.У. Бялова (галоўны рэдактар) і інш. — Мінск: Беларуская энцыклапедыя імя Петруся Броўкі, 2013. — С. 162. — 528 с. — 2 000 экз. — ISBN 978-985-11-0735-9.
3. ↑ Навапольская вясковая бібліятэка(руск.)  (недаступная спасылка). Архівавана з першакрыніцы 25 верасня 2018.
4. ↑ Спіс вуліц і іншых элементаў ўнутранага адраса (нявызн.). Нацыянальнае кадастравае агенцтва Рэспублікі Беларусь.(недаступная спасылка)

Літаратура

• Наваполле // Гарады і вёскі Беларусі. Т. 8 : Мінская вобласць, кн. 4 / Т.У. Бялова (галоўны рэдактар) і інш. — Мінск: Беларуская энцыклапедыя імя Петруся Броўкі, 2013. — С. 162. — 528 с. — 2 000 экз. — ISBN 978-985-11-0735-9.
• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9