Нью-Ёрк (Данецкая вобласць)

У гэтага паняцця ёсць і іншыя значэнні, гл. Нью-Ёрк (значэнні).

Нью-Ёрк (укр.: Нью-Йорк; з 1951 да 2021 года Ноўгарадскэ) — пасёлак гарадскога тыпу ў Данецкай вобласці (Бахмуцкі раён), падпарадкаваны Тарэцку. Знаходзіцца на рацэ Крывы Тарэц, за 10 км ад Тарэцка і за 38 км ад Данецка.

Гісторыя

Паселішча Нью-Ёрк заснавана менанітамі, запрошанымі ў Расію Кацярынай II. У савецкі час (раней за 1931 год) яны былі дэпартаваныя ў Амурскую вобласць, дзе арганізавалі аднайменнае паселішча.

Пасёлак называўся Нью-Ёрк да кастрычніка 1951 года[1][2]; пад гэтай назвай згадваецца ў драме Віктара Някрасава «У родным горадзе». Пасёлак не пераназывалі, пакуль адносіны з былым саюзнікам ЗША не сапсаваліся ў выніку Халоднай вайны.

У пасёлку размешчаны Дзяржынскі фенольны завод; раней быў таксама Ноўгарадскі машынабудаўнічы завод імя Г. І. Пятроўскага (спыніў існаванне, цэхі і іншыя будынкі распрададзеныя; у адных арганізаваны розныя вытворчасці, іншыя закансерваваны; тры цэхі разабраны на будматэрыялы).

3 лютага 2021 года ў Камітэт Вярхоўнай рады Украіны па пытаннях дзяржаўнай улады, мясцовага самакіравання, рэгіянальнага развіцця і горадабудаўніцтва была вылучана рэкамендацыя аб перайменаванні пгт Ноўгарадскэ ў пгт Нью-Ёрк[3]. У абмеркаванні гэтага перайменавання ў Камітэце ВР быў прыведзены аргумент аб «прарасійскасці» назвы Ноўгарадскэ.

1 ліпеня 2021 года Вярхоўная Рада пераназвала Ноўгарадскэ ў Нью-Ёрк, вярнуўшы яму гістарычную назву.[4]

Насельніцтва

Колькасць насельніцтва

Транспарт

На тэрыторыі пасёлка размешчана чыгуначная станцыя Фенольная, на лініі «Касцянтыніўка — Ясынувата».

Славутасці

• Помнік Багдану Хмяльніцкаму
• Парк фенольнага завода

Аб’екты сацыяльнай сферы

• Клуб фенольнага завода
• Спартыўны комплекс «Авангард»
• Спартыўны комплекс ААТ «Ноўгарадскі машынабудаўнічы завод»

Зноскі

1. ↑ Заметка о переименовании.(нявызн.). Праверана 5 лютага 2021.
2. ↑ Рада переименовала пгт Новгородское Донецкой области в Нью-Йорк(руск.) . Праверана 1 ліпеня 2021.
3. ↑ Україні повернуть Нью-Йорк. Це підтримав комітет Ради(укр.) . Праверана 3 лютага 2021.
4. ↑ Поселок Новгородское Рада переименовала в Нью-Йорк(руск.)  (1 ліпеня 2021).
5. ↑ у тым ліку насельніцтва Залізнэ — 3283, Нью-Ёрка — 85
6. ↑ насельніцтва толькі Залізнэ
7. ↑ у тым ліку насельніцтва Залізнэ — 5757, Нью-Ёрк — 1493
8. ↑ у тым ліку Ноўгарадскэ (былы Нью-Ёрк) — 4737, Залізнэ — 8314
9. ↑ у тым ліку Ноўгарадскэ — 5285, Залізнэ — 7628

Спасылкі

• Ноўгарадскэ на сайце Вярхоўнай рады(укр.) .
• Нямецкі Нью-Ёрк у Данбасе(нявызн.) (недаступная спасылка). Архівавана з першакрыніцы 6 мая 2021. Праверана 1 ліпеня 2021.
• Нью-Ёрк у Данецкай вобласці(руск.) .