Палуяны

Палуя́ны[1] (трансліт.: Palujany, руск.: Полуяны) — вёска ў Мядзельскім раёне Мінскай вобласці. Уваходзіць у склад Мядзельскага сельсавета.

Гісторыя

• 1846 год — з’яўляліся вёскай фальварку Посапава маёнтка Смыч Вілейскага павета Віленскай губерні і з’яўлялася ўладаннем графа К. І. Тызенгаўза. Вёска налічвала 4 двары і 24 жыхары.
• 1904 год — з’яўляліся вёскай Мядзельскай воласці Вілейскага павета Віленскай губерні. Вёска налічвала 58 жыхароў.
• 1908 год — у складзе вёскі 10 двароў, 65 жыхароў.
• 1921 год — знаходзіцца ў складзе Мядзельскай гміны Дунілавіцкага павета (з 1925 года — Пастаўскага) Віленскага ваяводства. Вёска налічвала 12 двароў і 55 жыхароў.
• 1931 год — 12 двароў і 57 жыхароў[2].
• 12 кастрычніка 1940 года вёска ўвайшла ў склад Мікасецкага сельсавета Мядзельскага раёна Вілейскай вобласці (з 20 верасня 1944 года — Маладзечанскай). Вёска налічвала 24 двары і 80 жыхароў.
• верасень 1942 года — падчас Вялікай Айчыннай вайны нямецка-фашысцкія захопнікі спалілі вёску (24 двары) і забілі 2 жыхароў. Пасля вайны вёска была адбудавана.
• 1949 год — створаны калгас «Новы свет».
• З 21 мая 1951 года — у складзе Баярскага сельсавета
• З 16 ліпеня 1954 года і з 25 студзеня 1996 года знаходзілася ў складзе Мядзельскага сельсавета, з 17 лістапада 1959 года — у складзе гарпассавету Мядзельскага раёна.
• 20 студзеня 1960 года вёска ўвайшла ў склад Мінскай вобласці.
• З 1960 года вёска ўваходзіць у склад калгасу «Ленінскі шлях» з цэнтрам у вёсцы Баяры.

На 1 студзеня 1997 года вёска налічвала 13 двароў і 22 жыхары.

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. ↑ Wykaz miejscowości Rzeczypospolitej Polskiej, t. 1, Warszawa 1938, s. 42.

Літаратура

• Памяць: Гісторыка-дакументальная хроніка Мядзельскага раёна. Мінск, «Беларуская Энцыклапедыя» імя Петруся Броўкі, 1998. ISBN 985-11-0107-9
• Połujany, wieś, powiat wilejski, gmina Miadzioł // Słownik geograficzny Królestwa Polskiego i innych krajów słowiańskich. — Tom VIII (Perepiatycha — Pożajście), 1887. — S. 733 (польск.)

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх