Праўдзінскі

Пра́ўдзінскі[2] (трансліт.: Praŭdzinski, руск.: Правдинский) — гарадскі пасёлак у Пухавіцкім раёне Мінскай вобласці. Насельніцтва 2 283 чал. (2017)[3].

Геаграфія

Знаходзіцца на р. Пціч, за 23 кіламетраў ад Мар’інай Горкі, 12 кіламетраў ад чыгуначнай станцыі Рудзенск лініі Мінск — Асіповічы.

Гісторыя

Населены пункт узнік у другой палове 1960-х гадоў у сувязі з будаўніцтвам торфапрадпрыемства «Сяргеевіцкае». Першыя пасяленцы жылі на кватэрах у суседніх населеных пунктах (запасы тарфянога радовішча «Арэхаўскі мох» былі выведаны ў 1961 годзе).

Першы торф на электрастанцыю пачалі адгружаць у 1968 годзе. У 1969 годзе пачаў працаваць брыкетны завод.

11 сакавіка 1977 года пасёлак атрымаў сучасную назву[4]. Да 31 сакавіка 1977 года пасёлак уваходзіў у склад Цітвянскага сельсавета, пасля — у складзе Сяргеевіцкага сельсавета[5]. 29 снежня 1977 года Праўдзінскі аднесены да катэгорыі рабочых пасёлкаў[6].

29 чэрвеня 2006 года ў падпарадкаванне Праўдзінскага пасялковага Савета перададзеныя ўсе населеныя пункты — Барбарова, Валасач, Дубрава, Кавалевічы, Крыстампалле, Кукіга, Малінаўка, Прыстань, Слопішчы, Сяргеевічы, Церабель — скасаванага Сяргеевіцкага сельсавета[7].

5 верасня 2008 года ў падпарадкаванні пасялковага Савета ўтвораны хутар Лебядзінае[8].

28 мая 2013 года ўсе падпарадкаваныя пасялковаму Савету населеныя пункты — Барбарова, Валасач, Дубрава, Кавалевічы, Крыстампалле, Кукіга, Лебядзінае, Малінаўка, Прыстань, Слопішчы, Сяргеевічы, Церабель — перададзеныя ў склад Навапольскага сельсавета, а сам Праўдзінскі аднесены да гарадскога пасёлка[9].

• Галоўная вуліца
• Дом, вул. Юбілейная 46
• Савецкі агітацыйны плакат часоў БССР, вул. Юбілейная 5
• 
• Адмiнiстрацыйны комплекс
• Праўдзінскі пасялковы выканаўчы камітэт

Насельніцтва

Дэмаграфічныя дадзеныя

• 1995 год — 2,9 тыс. чал.[10]
• 1998 год — 2811 чал.[11]
• 1999 год — 2,7 тыс. чал.
• 1 студзеня 2002 год — 2,8 тыс. чал.
• 2006 год — 2,9 тыс. чал.
• 2009 год — 2408 чал.[12]
• 2010 год — 2,4 тыс. чал.
• 2011 год — 2362 чал.
• 2016 год — 2288 чал.[13]
• 1 студзеня 2017 год — 2283 чал.[3]

Рэлігія

• Праваслаўная царква. У г. п. ёсць прыход Святога Архангела Міхаіла.

• 
• 
• 
• 
• 
• 

Сімвалы

Герб Праўдзінскага не мае афіційнага статуса. Уяўляе сабой іспанскі, па гарызанталі падзелены на дзве роўныя часткі. У ніжняй частцы герба размешчана шэра-чорныя прастакутнікі сімвалізуючыя торф (Праўдзінскі ўзнік у 1966—1968 гадах у сувязі з будаўніцтвам торфапрадпрыемства). У верхняй частцы знаходзіцца сцяг горада Мар’інай Горкі і Пухавіцкага раёна, на блакітным фоне у цэнтры размешчана выява Багародзіцы ў чырвона-блакітных адзеннях з белым покрывам.

Аўтар герба: Паўлюк Шапецька. Дата стварэння: 23 Кастрычнiк 2012 года.[14].

Эканоміка

• Торфабрыкетнае прадпрыемства УП «Сяргеевіцкае» — найбуйны ў Беларусі торфаперапрацоўчы завод
• Прадпрыемства металаапрацоўкі УП «Зеленаборскае»

• Прадпрыемства па вытворчасці ўгнаенняў, харчавальных грунтоў і інш. ТАА «Флорабел»

• Торфабрыкетнае прадпрыемства УП «Сяргеевіцкае».
• Торфабрыкетнае прадпрыемства УП «Сяргеевіцкае».
• Кавярня

Аўтамабільны транспарт

Праз тэрыторыю пасёлка праходзіць дарога Р-69 (Лагойск — Рудзенск — Шацк).

Культура і грамадства

• Дзейнічаюць 2 бібліятэкі
• Палац культуры. Роспіс «Песня аб Беларусі» ў палацы культуры афармляў Юрый Багушэвіч[15].

Сацыяльная сфера

Адукацыя

• Праўдзінскі дзяржаўны будаўнічы прафесійны ліцэй. Заснаваны ў 1971 годзе. Прымаюцца асобы з агульнай базавай адукацыяй. Рыхтуе працоўных па спецыяльнасцях: маляр, тынкоўшчык, абкладчык-плітачнік, мантажнік, электразварнік і інш [16].
• ДУА «Праўдзінская сярэдняя школа» [17].
• Музычная школа.
• Дашкольная ўстанова.

• Лазня

• Будаўнічы прафесійны ліцэй
• Дашкольная ўстанова
• Музычная школа
• Лазня
• Праўдзінская сярэдняя школа

Медыцына

Медыцынскія паслугі надае местачковая бальніца. Бальніца была збудавана ў 1979 годзе і была разлічана на 75 ложкаў. Цяпер бальніца разлічана на 25 тэрапеўтычных ложкаў. Колькасць абслугоўваных пацыентаў складае — 20 чалавек у змену.[18]

Славутасці

• Валун з памятнай таблічкай

• Помнік партызанам брыгады «Беларусь»

• 
• 
• 
• 
• 

Вядомыя асобы

• Віталь Маслак — беларускі футбаліст, брамнік мар’інагорскай «Вікторыі».

Гл. таксама

• Пасёлкі гарадскога тыпу Мінскай вобласці
• Пасёлкі гарадскога тыпу Беларусі

Зноскі

1. ↑ Численность населения на 1 января 2022 г. и среднегодовая численность населения за 2021 год по Республике Беларусь в разрезе областей, районов, городов, поселков городского типа — Национальный статистический комитет Республики Беларусь, 2022.
2. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Пра́ўдзінск
3. 1 2 Колькасць насельніцтва на 1 студзеня 2017 г. і сярэднегадавая колькасць насельніцтва за 2016 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу(руск.) . Нацыянальны статыстычны камітэт Рэспублікі Беларусь (29 сакавіка 2017). Праверана 3 красавіка 2017.
4. ↑ Указ Прэзідыума Вярхоўнага Савета Беларускай ССР Аб найменаванні населенага пункта, які ўзнік на тэрыторыі Цытвянскага сельсавета Пухавіцкага раёна Мінскай вобласці ад 11 сакавіка 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1977, № 8 (1526).
5. ↑ Рашэнне выканкома Мінскага абласнога Савета дэпутатаў працоўных ад 31 сакавіка 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1977, № 15 (1533).
6. ↑ Указ Прэзідыума Вярхоўнага Савета Беларускай ССР Аб аднясенні пасёлка Праўдзінскі Пухавіцкага раёна Мінскай вобласці да катэгорыі рабочых пасёлкаў ад 29 снежня 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1978, № 1 (1555).
7. ↑ Решение Минского областного Совета депутатов от 29 июня 2006 г. № 222 Об упразднении Горелецкого, Краснооктябрьского, Селецкого, Сергеевичского сельсоветов и изменении границ Новоселковского, Пуховичского, Ветеревичского сельсоветов и Правдинского поссовета Пуховичского района (руск.)
8. ↑ «Об отнесении земель к категории сельского населенного пункта». Решение Пуховичского районного Совета депутатов от 5 сентября 2008 г. № 102 Архівавана 25 кастрычніка 2020. (руск.)
9. ↑ «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 (руск.)
10. ↑ Беларусь, 1995
11. ↑ Праўдзінскі // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 1999. — 592 с.: іл. — 10 000 экз. — ISBN 985-11-0141-9. С. 568.
12. ↑ Насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
13. ↑ Колькасць насельніцтва на 1 студзеня 2016 г. і сярэднегадавая колькасць насельніцтва за 2015 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу(руск.) . Нацыянальны статыстычны камітэт Рэспублікі Беларусь (30 сакавіка 2016). Праверана 3 красавіка 2017.
14. ↑ Гербы. puchavickirajon.info
15. ↑ [Багушэвіч Юрый Барысавіч // Беларускі саюз мастакоў = Belarusian union of artists : энцыклапедычны даведнiк / аўт.-склад. Б. А. Крэпак [і інш.]. — Мінск : Кавалер Паблішэрс, 1998. — С. 46.]
16. ↑ http://pravdinsky.info/ptu-111/
17. ↑ http://schoolpravdinsk.edu.minskregion.by/index.php?blogId=83 Архівавана 19 ліпеня 2018.
18. ↑ http://mgorka-crb.by/o-bolnice/

Літаратура

• Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 1999. — 592 с.: іл. — 10 000 экз. — ISBN 985-11-0141-9.
• Памяць: Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск: Беларусь, 2003. — 748 с. — 3000 экз. ISBN 985-01-0251-9
• Праўдзінскі // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 599. — 800 с. — 5 000 экз. — ISBN 985-11-0026-9.

Спасылкі

• На Вікісховішчы ёсць медыяфайлы па тэме Праўдзінскі

• Геаграфічныя звесткі па тэме Праўдзінскі на OpenStreetMap
• Прагноз надвор’я ў г. п. Праўдзінскі