Пількаўшчына

Пі́лькаўшчына[1] (трансліт.: Piĺkaŭščyna, руск.: Пильковщина) — вёска ў Мядзельскім раёне Мінскай вобласці. Уваходзіць у склад Сваткаўскага сельсавета.

Гісторыя

У 1868 годзе вёска Мядзельскай воласці Вілейскага павета Віленскай губерні, 6 двароў, 49 жыхароў. У 1904 годзе вёска, 124 жыхары, у 1908 годзе — 19 двароў, 119 жыхароў. У 1921 годзе вёска ў гміне Мядзел Дунілавіцкага (з 1925 года Пастаўскага) павета Віленскага ваяводства, 22 двары, 104 жыхары. У 1931 годзе — 24 двары, 132 жыхары[2]. З 12 кастрычніка 1940 года ў Сваткаўскім сельсавеце Мядзельскага раёна Вілейскай, з 20 верасня 1944 года ў Маладзечанскай, з 20 студзеня 1960 года Мінскай абласцей. У 1940 годзе ў вёсцы 26 двароў, 134 жыхары. У 1948 годзе створаны калгас «Новы шлях». З 1950 да 1959 года вёска — цэнтр узбуйненага калгаса «Зара» (да 30 ліпеня 1957 года калгас імя Молатава), з 1988 года ў калгасе імя Леніна, з 1994 года ў аграфірме «Зара», з сакавіка 1997 года ў сельскагаспадарчым прадпрыемстве імя М. Танка (цэнтр — вёска Сваткі). У 1960 годзе 132 жыхары. На 1 студзеня 1997 года 40 двароў, 92 жыхары.

Інфраструктура

Магазін, фельчарска-акушэрскі пункт.

Славутасці

• Хата, у якой нарадзіўся Максім Танк. Хутар, на якім нарадзіўся паэт, знаходзіцца на ўскрайку леса, за кіламетр ад вёскі Пількаўшчына[3].

Вядомыя асобы

• Максім Танк (Яўген Іванавіч Скурко, 1912—1995) — народны паэт Беларусі.
• Іосіф Уладзіміравіч Скурко (1938—1989) — паэт, перакладчык, кінадраматург.

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. ↑ Wykaz miejscowości Rzeczypospolitej Polskiej, t. 1, Warszawa 1938, s. 41.
3. ↑ zviazda.by

Спасылкі

• На Вікісховішчы ёсць медыяфайлы па тэме Пількаўшчына
• Pilkowszczyzna, wieś, powiat wilejski, gmina Miadzioł // Słownik geograficzny Królestwa Polskiego i innych krajów słowiańskich. — Tom VIII (Perepiatycha — Pożajście), 1887. — S. 142 (польск.)