Рудзішкес

Рудзішкес (літ.: Rūdiškės, традыцыйная беларуская назва — Рудзі́шкі) — горад у паўднёвай Літве, знаходзіцца ў складзе Тракайскага раёна Вільнюскага павета. Колькасць насельніцтва налічвае каля 2,5 тыс. чалавек. Горад адносіцца да этнаграфічнага рэгіёна Дзукія.

Гісторыя

Паселішча было заснавана ў 1774 годзе, і пасля падзелаў Рэчы Паспалітай, апынулася ў складзе Расійскай імперыі. У 1864 годзе праз Рудзішкі прайшла чыгунка Варшава — Санкт-Пецярбург. Статус горада Рудзішкес атрымаў у 1958 годзе.

Паводле даследаванняў прафесара Яўхіма Карскага, каля Рудзішак праходзіла мяжа рассялення беларусаў і літоўцаў[1].

Насельніцтва

Эканоміка

У савецкі час у горадзе працаваў дрэваапрацоўчы камбінат[2]. Маецца невялікі аэрадром.

Гарады-пабрацімы

• Залева, Польшча

Зноскі

1. ↑ Тэрыторыя Беларусі і яе дагістрычнае насельніцтва // Часопіс «Калоссе», 1938 год, № 2—3.
2. ↑ ВСЭ

Спасылкі

• На Вікісховішчы ёсць медыяфайлы па тэме Рудзішкес
• Рудзішкі на Радзіма.org